ދިވެހިންގެ ވިސްނުމުގެ ހަޤީގަތް ގުޅިފައިވަނީ އިސްމާލްދީނާ: ވަޒީރު އާދަމް ނަސީރު

ދވެހިންގެ ވިސްނުމުގެ ހަޤީޤަތް ގުޅިފައިވަނީ އިސްލާމްދީނާ ކަމަށް ދިވެހިބަހާ ތަރިކައާއި ސަޤާފަތާ ބެހޭ ވަޒީރު އާދަމް ނަސީރު އިބްރަހިމް ވިދާޅުވެއްޖެއެވެ.

ވަޒީރު އާދަމް ނަސީރު މިހެން ވިދާޅުވީ ރާއްޖެ އިސްލާމްވި ދުވަހުގެ މުނާސަބަތުގައި ބޭއްވި ޖަލްސާގައި ވާހަކަފުޅުދައްކަވަމުންނެވެ. 

ވަޒީރު އާދަމް ނަސީރު ވިދާޅުވީ ރާއްޖޭގެ ތާރީޙުގައި އެންމެ ބޮޑު އިންޤިލާބީ ބަދަލެއް އައި ދުވަހަކީ ރާއްޖެ އިސްލާމްވީ ދުވަސް ކަމަށެވެ. އަދި އެދުވަހަކީ ދިވެހިންގެ ދިރިއުޅުމުގެ ހުރިހާ ކަމެއް އެންމެ ރަނގަޅު މަގަށް އެނބުރިގެން ދިޔަ ދުވަސްކަމަށެވެ.

ވަޒީރު އާދަމް ނަސީރު ވިދާޅުވީ ި ރާއްޖެ އިސްލާމުވުމަކީ ރާއްޖެއަށް ލިބިގެންދިޔަ ވަރަށް ބޮޑު ނިޢުމަތަކާއި ނަސީބެއް ކަމަށެވެ.އެގޮޮތުން ރާއްޖޭގެ ތާރީޙަށް ބަލާއިރު، ރާއްޖޭގައި އިލްމުވެރިކަމެއް ލިޔެވިފައިވާ ފޮތްތެރިކަމެއް، ފެންނާން އޮތީ ރާއްޖެ އިސްލާމުވުމަށްފަހު ގައި ކަމަށް ވަޒީރު ވިދާޅުވިއެވެ.ވަޒީރު އާދަމް ނަޞީރު ވިދާޅުވީ ދިވެހިންގެ ދިރިއުޅުމުގައި އެންމެ އިސްކަން ދެވޭ ކަމަކީ އިސްލާމްދީންކަމަށެވެ. އަދި ދިވެހިންގެ ބަސްކޮށާރުގައިވެސް ދީނާއި ގުޅިފައިވާ ޚާއްސަ ބަސްތައް ހިމެނޭކަން ވަޒީރު ވިދާޅުވިއެވެ.

ވަޒީރު ވިދާޅުވީ ދިވެހިންގެ ދިރިއުޅުމުގައި އެންމެ އުހުގައި އޮތް ހަޤީގަތާއި، ހުރިހާ އަމަލުތަކާއި ހުރިހާ އަސާސްތައް ފެށިގެން އަންނަނީ އިސްމާލްދީނުން ކަމަށެވެ.

"އިސްމާލްދީނަކީ ދިވެހިންގެ ދިރިއުޅުމުގައި އެންމެ އުހުގައި އޮތް އެމީހުންގެ ދިރިއުޅުމުގެ އަސާސް ދިވެހިންގެ ވިސްނުމުގެ ހަޤީގަތް ގުޅިފައިވަނީ އިސްމާލްދީނާއި، ދިވެހިންގެ ދިރިއުޅުގެ އަސާސްތައް ފެށިގެން އަންނަނީ އިސްލާމްދީނުން،" ވަޒީރު އާދަމް ނަސީރު ވިދާޅުވިއެވެ.

ރާއްޖެ އިސްލާމްވީ ދުވަހުގެ މުނާސަބަތުގައި ބޭއްވި ޖަލްސާގައި ވަޒީރު އާދަމް ނަސީރުގެ އިތުރުން އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދާއި ރައީސުލްޖުމްހޫރިއްޔާ ޑރ މުޙައްމަދު މުޢިއްޒުވެސް ވަނީ ވާހަކަފުޅު ދައްކަވައިފައެވެ.