ޚަބަރު
ފިހާރައެއްގެ ތެރެއިން މީހަކަށް ތޫނު އެއްޗަކުން ހަމަލާދިން މައްސަލައެއް ފުލުހުން ތަހުޤީޤުކުރަނީ!
ދިވެހިފުލުހުންގެ މައި އިދާރާ. ފޮޓޯ:އަވަސް
މާލޭގެ ފިހާރައެއްގެ ތެރެއިން މީހަކަށް ތޫނު އެއްޗަކުން ހަމަލާދިން މައްސަލައެއް ފުލުހުން ތަހުޤީޤުކުރަމުންދާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުން ބުނެފައިވަނީ މިކަން ހިނގާފައިވަނީ ރޭ މާލޭގެ ދިލްބަހާރުމަގުގައި ހުރި ފިހާރައެއްގެ ތެރޭގައި ކަމަށެވެ. އަދި ހަމަލާދިން ކަމުގެ ރިޕޯޓު ފުލުހުންނަށް ރިޕޯޓްކޮށްފައިވަނީ ރޭ 21:01 ގައި ކަމަށެވެ.
މިމައްސަލާގަ އަނިޔާވި މީހާއަށް އައިޖީއެމްއެޗްގައި ފަރުވާ ދިނުމަށް ފަހު ވަނީ ދޫކޮށްލާފައިކަމަށް ފުލުހުން ވިދާޅުވިއެވެ.
މިމައްސަލާގައި އެއްވެސް މީހަކު މިހާތަނަށް ހައްޔަރުކޮށްފައި ނުވާކަމަށް ފުލުހުން ވިދާޅުވެއެވެ. ނަމަވެސް މާރާމާރީގެ މިމައްސަލަ ފުލުހުން ތަހުޤީޤުކުރަމުންދާ ކަމަށް ފުލުހުން ވަނީ ވިދާޅުވެފައެވެ.
