އާސަހަރާގެ މަސައްކަތް ސެޕްޓެމްބަރު މަހުގެ ތެރޭގައި ނިންމާލެވޭނެ: މޭޔަރ ޢާޒިމް

އާސަހަރާގެ މަރާމާތުގެ މަސައްކަތް ސެޕްޓެމްބަރު މަހުގެ ތެރޭގައި ނިންމާލެވޭނެ ކަމަށް މާލޭގެ މޭޔަރ އާދަމް ޢާޒިމް ވިދާޅުވެއްޖެއެވެ.

މޭޔަރ ޢާޒިމް މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

މިގޮތުން އާޒިމް ވިދާޅުވީ، މިސްކިތުގެ މަސައްކަތް ނިމޭއިރު 3,200 އަކަފޫޓު މިސްކިތަށް އިތުރު ކުރެވޭނެކަމަށެވެ.

ހަމައެއާއިއެކު، ނުކުޅެދުންތެރިކަން ހުންނަ ފަރާތްތަކަށް ޚާއްސަ ފާހަނާއަކާއި, އަންހެން ބޭފުޅުންނަށް ޚާއްސަ ފާހާނައަކާއި، ވުޟޫ ކުރާބަޔެއް އަދި ނަމާދު ކުރާ ބައެއްގެ އިތުރުން، ޖަނާޒާތަކަށް އަންނަ ފަރާތްތަކަށް މަޑުކޮށްލެވޭނެ، ޚާއްސަ ސަރަހައްދެއް ތަރައްގީ ކުރެވޭނެކަމަށް ވެސް އާޒިމް ވިދާޅުވިއެވެ.

https://twitter.com/adamazim/status/1827293262245482654

އާ ސަހަރާ މަރާމާތުކުރުމަށްޓަކައި މިދިޔަ އަހަރުގެ މެއި މަހު ނިޔާވާމީހުން ވަޅުލުމުގެ މަސައްކަތް ހުޅުމާލެއަށް ބަދަލުކުރެވުނެވެ. މެދުކެނޑިފައިވާ މަސައްކަތް ނިންމުމަށް އަލުން ހަވާލުކުރެވުނީ މިއަހަރުގެ މެއި މަހުގެ ތެރޭގައެވެ.