މުޅިރާއްޖެއަށް ހުދު ސަމާލު ނެރެފި!

މޫސުމާއި ބެހޭ ޤައުމީ އިދާރާއިން މުޅި ރާއްޖޭގެ މޫސުން ގޯސްވާނެ ކަމަށް ލަފާކޮށް މުޅި ރާއްޖެއަށް ހުދުސަމާލު ނެރެފިއެވެ. 

މުޅި ރާއްޖޭގެ މޫސުން ގޯސްވާނެ ކަމަށް ލަފާކޮށް މެޓް އޮފީހުން ނެރެފައިވާ ހުދު ސަމާލުގައި ބުނެެފައިވަނީ މިރޭގެ އިރުއޮއްސި 18:00ން ފެށިގެން މިރޭގެ 00:00 އާއި ހަމައަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭ ކަަމަށެވެ. 

އަދި ވިލާގަނޑުގައި ގަޑިއަކު 40 މޭލަށް ވައިގަދަވެ މުޅި ރާއްޖޭގެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށް ވަނީ ބުނެފައެވެ. 

https://twitter.com/MetMaldives/status/1843270077535404480

މިމަހުގެ 6ވަނަ ދުވަހުން ފެށިގެން ފަސްދުވަހަށް ރާއްޖޭގެ މޫސުން ގޯސްވާނެ ކަމަށް މެޓް އޮފީހުން ލަފާކޮށްފައިވާއިރު މިއަދު ހއ. އަތޮޅުން ފެށިގެން ވ.އަތޮޅަށް މޫސުން ގޯސްވާނެ ކަމަށް ލަފާކޮށް މޫސުމާ ބެހޭ ޤައުމީ އިދާރާއިން ވަނީ ރީނދޫ ސަމާލުނެރެފައެވެ.

މެޓްއޮފީހުން ނެރެފައިވާ ރީނދޫ ސަމާލުގައި ބުނެފައިވަނީ މިއަދުގެ 14:00 އާއި 18:00 އާއި ދެމެދު ހއ.އަތޮޅާއި ވ.އަތޮޅަށް ގަޑިއަކު 25 މޭލާއި 30 މޭލާއި ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރާކަމަށެވެ. 

އަދި ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ގަދަވާނެ ކަމަށް ލަފާކުރާ ކަމަށްެވެސް މެޓް އޮޮފީހުން ވަނީ ބުނެފައެވެ. 

މިރީނދޫ އެލާޓްގެ އިތުރުން މިއަދުގެ ހެނދުގެ ވަގުތެއްގައި ލ.އަތޮޅުން އައްޑޫ ސިޓީއަށް ހުދުސަމާލު ވަނީ ނެރެފައެވެ. އަދި ހއ.އަތޮޅުން އދ.އަތޮޅަށް ރީނދޫ ސަމާލުވެސް ވަނީ ނެރެފައެވެ.