ޕާކިސްތާނުގެ ނިރުބަވެރި ޖަވާބުން އިންޑިއާގެ ސިފައިންގެ ދަޢުވާތައް ބާޠިލްކޮށް، މީޑިއާގެ ދޮގުތައް ހާމަވެއްޖެ

އިންޑިއާއިން ޕާކިސްތާނަށް ކާމިޔާބު ހަމަލާއެެއް ދިންކަމަށް  ކުރި ދަޢުވާ މިހާރު ވަނީ އެ ޤައުމުގެ އަމިއްލަ ރައްޔިތުންގެ ފާޑުކިޔުމާ ކުރިމަތިވެފައެވެ. އިންޑިއާގެ ރައްޔިތުން ދަނީ އެ ޤައުމުގެ ސިފައިންނާއި މީޑިއާގެ އިތުބާރާމެދު ސުވާލު އުފައްދަމުންނެވެ. ޕާކިސްތާނާ ދެކޮޅަށް ހިންގި ވަރުގަދަ ހަމަލާއެއްގެ ގޮތުގައި ހުށަހެޅި ކަންތައް މިހާރު ވަނީ ރައްޔިތުންގެ ފާޑުކިޔުމުގެ ރާޅަކަށް ބަދަލުވެ، ސަރުކާރުގެ ރަސްމީ ބަޔާނުގައި ހުރި ބޮޑެތި ފުށުއެރުންތައް ހާމަވެފައެވެ.

އިންޑިއާގެ ސިފައިންގެ ފަރާތުން ޕާކިސްތާނުގެ އަމާޒުތަކަށް ބޮޑު ގެއްލުމެއް ދިންކަމަށް ދަޢުވާކުރުމާ ގުޅިގެން، އިންޑިއާގެ ސޯޝަލް މީޑިއާގައި ޝައްކުގެ އަޑުތައް ގަދަވެއްޖެއެވެ. ސަރުކާރުގެ ވާހަކަ ދޮގުކޮށް ޤަބޫލުކުރަން ބޭނުންނުވާ ރައްޔިތުން، "ގޮދީ މީޑިއާ" އިން ހަދާފައިވާ ވާހަކަތައް ފަތުރަމުންދާ ކަމަށް ބުނެ ފާޑުކިޔަން ފަށައިފިއެވެ. ގިނަ ބަޔަކު ވީޑިއޯތަކާއި ކޮމެންޓްތައް ޕޯސްޓްކޮށް، އަސްލު ޙަޤީޤަތަކީ އިންޑިއާގެ ބާރުތަކަށް ޕާކިސްތާނުގެ ނިރުބަވެރި ޖަވާބު ލިބުންކަމަށް ވާހަކަދައްކަމުންދެއެވެ.

ރައްޔިތުންގެ ޝައްކު އެހާ ބޮޑުވެފައިވާތީ، އާންމުކޮށް ޤައުމީ ރޫޙު އުފުލާ ފަރާތްތަކުން ވެސް މިހާރު ދަނީ ސަރުކާރާއި ސިފައިންގެ އިސްވެރިންގެ ކިބައިން ޖަވާބުދާރީވުމާއި ހާމަކަން ބޮޑު މަޢުލޫމާތު ހޯދުމަށް ގޮވާލަމުންނެވެ. މި އިތުބާރު ގެއްލެމުންދާ ދަނޑިވަޅުގައި، ޕާކިސްތާނުގެ މީޑިއާއިން ޙަޤީޤަތާ އެއްގޮތަށް ވަގުތުން ވަގުތަށް ކުރަމުންދާ ރިޕޯޓިންގ އަށް އިންޑިއާގެ ގިނަ ރައްޔިތުން ތަޢުރީފުކުރަމުންދާކަން ފާހަގަކުރެވެއެވެ. މިހާރުގެ ހަމަނުޖެހުމުގެ ޙަޤީޤީ މަންޒަރު ދައްކުވައިދެނީ ޕާކިސްތާނުގެ މީޑިއާއިން ކަމަށް އިންޑިއާގެ ގިނަ ބަޔަކު ބުނެއެވެ.