މާލޭ ދިލްބަހާރު މަގު ފިހާރައެއްތެރޭ މީހަކަށް ވަޅިން ހަމަލާދިން މީހާ ހައްޔަރުކޮށްފި!

މާލެ ސިޓީ ދިލްބަހާރު މަގު ފިހާރައެއްތެރޭ މީހަކަށް ވަޅިން ހަމަލާދިން މީހަކު ކޯޓުއަމުރެއްގެ ދަށުން ހައްޔަރުކޮށްފި ކަމަށް ދިވެހި ފުލުހުންގެ ޚިދުމަތުން ބުނެފިއެވެ.

ފުލުހުން ބުނެފައިވަނީ މިމައްސަލައާ ގުޅިގެން ހައްޔަރުކޮށްފައިވަނީ މއ. މަސްފަން 34 އަހަރުގެ މުނީޒް ކަމަށެވެ. އަދި އޮކްޓޫބަރު 6ވަނަ ދުވަހު އޭނާ ހައްޔަރުކޮށްފައިވާ ކަމަށްވެސް ވަނީ ބުނެފައެވެ. 

މިމައްސަލައާ ގުޅިގެން އޭނާގެ ބަންދާއި މެދު ގޮތެއް ނިންމުމަށް އޮކްޓޫބަރު 7ވަނަ ދުވަހު ކްރިމިނަލް ކޯޓަށް ހާޒިރުކުރުމުން ޝަރީޢަތް ނިމެންދެން އޭނާ ބަންދުގައި ބެހެއްޓުމަށް ކޯޓުން އަމުރުކޮށްފައިވާ ކަމަށް ފުލުުުހުން ބުނެއެވެ. 

މިކަމަކީ އޮކްޓޫބަރު 4ވަނަ ދުވަހު މާލޭގެ ދިލްބަހާރުމަގުގައި ހުރި ފިހާރައެއްގެ ތެރޭގައި ހިނގާފައިވާ ކަމެކެވެ. އަދި ހަމަލާދިން ކަމުގެ ރިޕޯޓު ފުލުހުންނަށް ރިޕޯޓްކޮށްފައިވަނީ އެރޭގެ 21:01 ގައި ކަމަށް ފުލުހުން ވަނީ ބުނެފައެވެ.

 މިމައްސަލާގަ އަނިޔާވި މީހާއަށް އައިޖީއެމްއެޗްގައި ފަރުވާ ދިނުމަށް ފަހު ވަނީ ދޫކޮށްލާފައިކަމަށް ފުލުހުން ވިދާޅުވިއެވެ.

މާރާމާރީގެ މިމައްސަލަ ފުލުހުން ދަނީ އިތުރަށް ތަހުޤީޤުކުރަމުންނެވެ.