ރައީސް މުޢިއްޒުގެ ދެކަނބަލުން އިންޑިއާގެ ތާޖްމަހަލް އަށް ޒިޔާރަތްކުރައްވައިފި!

ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ދެކަނބަލުން އިންޑިއާގެ އާގްރާގައި ހުންނަތާޖްމަހަލް އަށް ޒިޔާރަތްކުރައްވައިފިއެވެ.

އިންޑިއާ އަށް މިހާރު އެދެކަނބަލުން ކުރައްވަމުންގެންދަވާ ރަސްމީ ދަތުރުފުޅުގެ ތެރެއިން ކުރެއްވެެވި މި ޒިޔާރަތުގައި، އިންޑިއާގެ ތާރީޚީ ތަންތަނުގެ ލިސްޓުގައި ހިމެނޭ ތާޖްމެހެލްގެ ފާހަގަކުރެވޭ ތަންތަން ބައްލަވައިލައްވައިފައިވެއެވެ. 

ރައީސް މުޢިއްޒު އިންޑިއާއަށް ކުރައްވަމުން ގެންދަވާ މި ދަތުރުފުޅަކީ އެޤައުމުގެ ރައީސް ދުރްޕަތީ މުރްމުރޫގެ ދައުވަތަކަށް ކުރައްވަމުން ގެންދަވާ ދަތުރުފުޅެކެވެ. މިދަތުރުފުޅުގައި އިންޑިއާގެ އާގަރާގެ އިތުރުން އިންޑިއާގެ އެހެން ސިޓީތަކަށްވެސް ޒިޔާރަތްކުރެއްވުމަށް ވަނީ ހަމަޖެހިފައެވެ. 

ތާޖްމަހަލް އަކީ ދުނިޔޭގެ 7 އަޖައިބުގެ ތެރޭގައި ހިމެނޭ ދުނިޔޭގެ ގިނަ ބައެއްގެ ތެރޭގައި މަޤްބޫލް ތަނެކެވެ. 

މި ބިނާއަށް ޒިޔާރަތް ކުރުމުގެ ފުރުޞަތު ނިއުދިއްލީ އަށް ވަޑައިގަންނަވާ ހުރިހާ ލީޑަރުންނަށްވެސް އިންޑިއާ ސަރުކާރުން ދެއެވެ. 

ތާޖްމަހަލް އަކީ އިންޑިއާގެ އާގްރާގައި 17 ވަނަ ޤަރުނުގައި އިމާރާތް ކޮށްފައިވާ ތަނެކެވެ. އަދި މި ބިނާއަކީ މަޝްހޫރު މުގަލް އެމްޕެރަރ ޝާހް ޖަހާން އޭނާގެ އަނބިކަނބަލުން މުމްތާޒްގެ ހަނދާނުގައި ބިނާ ކުރެއްވި ގަނޑުވަރެކެވެ. އދ ގެ ޔުނެސްކޯއިން ވަނީތާޖްމަހަލް އަކީ ވޯލްޑް ހެރިޓޭޖް ސައިޓެއްގެ ގޮތުގައިވެސް ކަނޑައަޅާފައެވެ.