ރޯގާޔާ ހުން ވަރަށް އެބައުޅޭ، ކުދިން ބަލިނަމަ ސްކޫލަށް ނުފޮނުވާ: ޑރ ފައިޞަލް

މިދުވަސް ވަރު ރޯގާ އަދި ހުން ވަރަށް ބޮޑަށް އެބަ ފެތުރޭ ކަމަށާއި ކުދިން ބަލިވެއުޅޭނަމަ ސްކޫލަށް ނުފޮނުވުމަށް ކުޑަ ކުދިންގެ ޚާއްސަ ޑޮކްޓަރ އަޙްމަދު ފައިސަލް ވިދާޅުވެއްޖެއެވެ. 

އެކްސްގައި ކުރައްވާފައިވާ ޕޯސްޓެއްގައި ޑރ ފައިސަލް ވަނީ ބަލިތަކުން ރައްކާތެރިވުމަށް އަޅާނެ ބައެއް ފިޔަވަޅުތައް ކިޔައިދެއްވައިފައެވެ. އެގޮތުން ގިނަގިނައިން އަތްދޮވުމަށާއި، ކުދިން ބަލި ނަމަ ސްކޫލަށް ނުފޮނުވުމަށާއި، ކެއްސާ ކިނބިހި އަޅާއިރު ނޭފަތާއި އަނގަ ޓިޝޫއަކުން ބަންދުކުރުމަށާއި އަދި ގިނަގިނައިން ދިޔަތަކެތި ބޭނުންކުރުމަށް އިރުޝާދު ދީފައިވެއެވެ. 

ވަރަށް ރޯގާޔާ ހުން އެބައުޅޭ

އަތް ދޮންނާތި
ބަލިއްޔާ 🏫އަށް ނުފޮނުވާ
ކެއްސާ ކިނބިހި އަޅާ އިރު 👃👄 ޓިޝޫއަކުން ބަންދު ކޮށްލާ
ގިނައިން ދިޔާތަކެތި ބ ޭނުންކުރަންވާނެ

ނޭވާ އުނދަގޫނަމަ ނުވަތަ ހުމަށް 3ދުވަސް ނަމަ🧑‍⚕️🏥 އަށް ދައްކާލާ

— Ahmed Faisal (@Faisalnaifaru) May 18, 2025

ހަމަ މިއާއި އެކު ރޯގާޖެހި ނޭވާއަށް އުނދުގޫވާނަމަ ނުވަތަ ހުންއަންނަތާ ތިން ދުވަސް ވެއްޖެނަަމަ ޑޮކްޓަރަށް ދެއްކުމަށްވެސް ޑރ ފައިިސަލް ވަނީ އިރުޝާދުދެއްވައިފައެވެ.