މުޅި ރާއްޖެއަށް ހުދުސަމާލު ނެރެފި!

މުޅިރާއްޖެ އަށް މޫސުން ގޯސްވާނެ ކަމަށް ލަފާކޮށް މޫސުމާއި ބެހޭ ޤައުމީ އިދާރާއިން މުޅި ރާއްޖެއަށް ހުދު ސަމާލު ނެރެފިއެވެ. 

މެޓް އޮފީހުން ބުނެފައިވަނީ މިރޭގެ 19:30 އާއި 1:30 އާއި ދެމެދު ގެ ވަގުތުތަކުގައި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ލަފާކުރެވޭ ކަމަށެވެ.

އަދި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ވަނީ ލަފާކޮށްފައެވެ. 

https://twitter.com/MetMaldives/status/1844019729557864735

މިރޭގެ އިރުއޮއްސި 18:00ން މިރޭގެ 10:00 އަށް ބ.އަތޮޅުން ދ.އަތިޮޅަށްވެސް މެޓް އޮފީހުން ހުދު ސަމާލު ނެރެފައިވެއެވެ. 

އެ ހުދު ސަމާލުގައި ބުނެފައިވަނީ އެވަގުތުގެ ތެރޭގައި އެސަރަހައްދަށް ބޯކޮށް ވާރޭވެހި ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށްވެސް ވަނީ ލަފާކޮށްފައެވެ.

މިހަފްތާ ފެށުނިއްސުރެވެސް ރާއްޖޭގެ މޫސުން ވަރަށް ބޮޑަށް ގޯސްވެފައިވާކަން ފާހަގަ ކޮށްލަންޖެހެއެވެ.

މޫސުން ގޯސްވެފައިވާ މިދުވަސްވަރު ލިބިދާނެ ގެއްލުމަކަށް ސަމާލުވެ ފިޔަވަޅުތައް އެޅުމަށް ކަމާއިބެހޭ އިދާރާތަކުން އަންނަނީ އިލްތިމާސްކުރަމުންނެވެ.