ވަގަށް ނަގާފައިވާ ޕިކަޕު ބެޓަރިތަކަކާއިއެކު ދެމީހަކު ހައްޔަރުކޮށްފި!

ވަގަށް ނަގަފައިވާ ޕިކަޕު ބެޓަރި ތަކަކާއި އެކު ދެދިވެއްސަކު ހައްޔަރުކޮށްފައިވާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ. 

ފުލުހުން މިކަމާއި ގުޅޭ ގޮތުން ބުނެފައިވަނީ މިއަދު ހެނދުނު 6:54 އެހާއިރު ފަރީދީމަގާއި ޗާންދަނީ މަގު ގުޅޭ ހިސާބުން ދުއްވާފައިދިޔަ ޕިކަޕެއްގައި ދިޔަ ބަޔަކަށް ޝައްކު ކުރެވިގެން ހުއްޓުވައި ބަލައި ފާސްކުރި ވަގަށްނަގަފައިވާ ކަމަށް ލަފާކުރެވޭ 12 ޕިކަޕު ބެޓަރިއެއް ފެނިފައިވާ ކަމަށެވެ. 

މިމައްސަލާގައި ދިވެހި ފުލުހުން ހައްޔަރުކޮށްފައިވަނީ ސ.މަރަދޫފޭދޫ މާކަރީ ލައިޓް ޢަލީ އަޙްސަން 32 އަހަރު އަދި ސ.ފޭދޫ އަނަސް މުޙައްމަދު ނީޒާދު 43 އަހަރުކަމަށެވެ. 

ފުލުހުން އިތުރަށް ބުނެފައިވަނީ މިމައްސަލަ އިތުރަށް ތަހުޤީޤު ކުރަމުންދާ ކަމަށެވެ.