ސަލާމަތް ޞިއްޙަތެއްގެ ދެބަކުޅަ އެއްބަޔަކީ ނަފްސާނީ ދުޅަހެޔޮކަން: ރައީސް މުޢިއްޒު

ސަލާމަތް ޞިއްޙަތެއްގެ ދެބައިކުޅަ އެއްބަޔަކީ ނަފްސާނީ ދުޅަހެޔޮކަން ކަމަށް ރައީސުލްޖުމްހޫރިއްޔާ މުޙައްމަދު މުޢިއްޒު ވިދާޅުވެއްޖެއެވެ. 

ރައީސް މުޢިއްޒު މިހެެން ވިދާޅުވީ މިއަދު ފާހަގަކުރެވޭ، ބައިނަލްއަޤްވާމީ ނަފްސާނީ ދުޅަހެޔޮކަމުގެ ދުވަހާ ގުޅިގެން ސޯޝަލް މީޑިއާގައި ކުރެއްވެވި ޕޯސްޓެއްގައެެވެ. 

ރައީސް ވިދާޅުވެފައިވަނީ ސަލާމަތް ޞިއްޚަތެއްގެ ދެބައިކުޅަ އެއްބަޔަކީ ނަފްސާނީ ދުޅަހެޔޮކަން ކަމަށާއި، އުފެއްދުންތެރި މުރާލި ނަތީޖާ ނެރެދޭ މީހަކަށްވުމުގައި އިންސާނާގެ ނަފްސާނީ ޤާބިލުކަން ބޮޑު ދައުރެއް އަދާކުރާކަމަށެވެ. 

އަދި ނަފްސާނީ ދުޅަހެޔޮކަމަށް ޚާއްސަ ސަމާލުކަމެއް ދިނުމަށް ރައީސް މުޢިއްޒު ވަނީ ވިދާޅުވެފައެވެ.

https://twitter.com/MMuizzu/status/1844248670860083630

ބައިނަލްއަޤްވާމީ ގޮތުން ފާހަގަކުރެވޭ ނަފްސާނީ ދުޅަހެޔޮ ކަމުގެ ދުވަސް އެންމެ ފުރަތަމަ ފާހަގަ ކޮށްފައިވަނީ 1992 ވަނަ އަހަރުއެވެ. 

މިއަހަރުގެ ނަފްސާނީ ދުޅަހެޔޮކަމުގެ ތީމެއްގެ ގޮތުގައި ދުނިޔޭގެ ޞިއްޙަތު ޖަމިއްޔާއިން ކަނޑައަޅާފައި ވަނީ "މެންޓަލް ހެލްތު އެޓް ވޯކް" ނުވަތަ މަސައްކަތުގެ މާހައުލުގައި ނަފްސާނީ ދުޅަހެޔޮކަމެވެ.