ޑްރެއިން ސިސްޓަމާއި އެކު އައިޖީއެމްއެޗް ކައިރީގައި ފެންބޮޑުވާ ބޮޑުވުން ނިމުމަކަށް!

އައިޖީއެމްއެޗްކައިރީގައި އިމާރާތްކުރުމާ ބިނާރާ ބެހޭ ވުޒާރާއިން ހަރުކުރި ޑްރެއިން ސިސްޓަމާއި އެކު ވާރޭ ވެހޭ ދުވަސްދުވަހު އާންމު ގޮތެއްގައި ފެންބޮޑުވާ ބޮޑުވުން ނިމުމަކަށް އަތުވެއްޖެއެވެ. 

މިއަދު އެކްސްގައި އައިޖީއެމްއެޗްގެ ސީއީއޯ އިބްރާހިމް ޢަބްދުއްރައްޒާޤް ހަލީމް ކުރައްވައިފައިވާ  ޕޯސްޓެއްގައި ވިދާޅުވެފައިވަނީ، ޑްރެއިން ސިސްޓަމް މިހާރު މަސައްކަތް ކުރާ ކަމަށާއި، އެސަރަހައްދުގައި ފެންބޮޑުވެފައިނުވާ ކަމަށެވެ. 

https://twitter.com/22halex/status/1844627067964621190

އައިޖީއެމްއެޗް ސަރަހައްދަކީ ވާރޭ ވެހިއްޖެނަމަ އާންމުގޮތެއްގައި ފެންބޮޑުވެ ހިނގައި ދުއްވާ އެއްޗެހި ދުއްވާހަދަން ވެސް އުނދަގޫ ވާސަރަހައްދެކެވެ. 

ރޭފަތިހުން ފެށިގެން މާލެއަށް ބޯކޮށް ވާރޭވެހިފައި ވީނަމަވެސް އައިޖީއެމް ސަރަހައްދުގައި ފެންބޮޑުވެފައެއް ނުވެއެވެ. 

ސޯޝަލް ސެންޓަރުން ފެށިގެން ހިރިޔާ ސްކޫލާ ހަމައަށް ފެން ބޮޑުވެފައި އޮތް ނަމަވެސް ތާޖުއްދީން ސްކޫލުން ފެށިގެން އަމީނީ މަގާ ހަމައަށް ފެން ބޮޑެއް ނުވެ އެވެ.

އެ ސިސްޓަމް މިއަދު ބޭނުން ކުރަން ފަށާފައިވާއިރު، އެމްއެންޑީއެފުން ވެސް އަންނަނީ ޕަމްޕު ބޭނުންކޮށްގެން ފެން ހިންދުމުގެ މަސައްކަތް މާލޭގެ އެކި ސަރަހައްދުތަކުގައި ވެސް ކުރަމުންނެވެ.

މޫސުން ގޯސްވެ, މޫސުމާ ބެހޭ ޤައުމީ އިދާރާއިން ރާއްޖޭގެ ބޮޑު ސަރަހައްދަކަށް މިއަދު ވެސް ވަނީ ވައިޓް އެލާޓް އަދި ބައެއް ސަރަހައްދުތަކަށް ޔެލޯ އެލާޓް ނެރެފަ އެވެ. އެލާޓް ނެރެފައިވާ ސަރަހައްދުތަކަށް ބޯކޮށް ވާރެވެހި ގުގުރާނެ ކަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ވެސް އެ އޮފީހުން ލަފާކޮށްފައިވެ އެވެ.