ޑިމެންޝިއާ ބަލީގެ ސަބަބުން ބަލިމީހުންގެ އަޚްލާޤަށް އަންނަ ބަދަލުތަކުގެ މައިގަނޑު ސަބަބު

 އާންމު ގޮތެއްގައި ޑިމެންޝިއާ ބަލީގެ ތެރޭގައި ހިމެނޭ އަލްޒައިމާސް ބައްޔާ މެދު ވިސްނާއިރު، ގިނަ މީހުންނަށް ފުރަތަމަ ފާހަގަވަނީ ހަނދާން ނެތުމުގެ މައްސަލަ އެކަންޏެވެ. ނަމަވެސް، މި ބަލީގެ ސަބަބުން މީހެއްގެ އަޚްލާޤަށް ވެސް އަސަރުކޮށް، އަންނަނިވި ކަންކަން ކުރިމަތިވެދާނެއެވެ:

- ރުޅިވެރިކަން އިތުރުވުން

- ކަންބޮޑުވުން އިތުރުވުން

- ޑިޕްރެޝަން ޖެހުން

- ފަރުވާކުޑަވުން

- ޝަޚްޞިއްޔަތަށް ބަދަލު އައުން

މި އަޚްލާޤީ ބަދަލުތަކުގެ ސަބަބުން، ދުވަސްތައް ފާއިތުވަމުންދާއިރު، ބަލިމީހާގެ ދިރިއުޅުމަށް ނޭދެވޭ އަސަރުކޮށް، ސާފުކޮށް ވިސްނުމުގެ އަދި ހަނދާން ބެހެއްޓުމުގެ ޤާބިލުކަން ގެއްލިގެން ހިނގައިދާނެއެވެ.

މިޝިގަން ޔުނިވަރސިޓީގެ ދިރާސާވެރިންގެ ޓީމަކުން ވަނީ ޑިމެންޝިއާ ބަލީގެ ސަބަބުން އަޚްލާޤަށް އަންނަ ބަދަލުތަކުގެ އެންމެ ފުރަތަމަ އަލާމާތްތަކާ ގުޅޭގޮތުން އައު ހޯދުންތަކެއް ހާމަކޮށްފައެވެ. މި ދިރާސާގައި ބަލިޖެހިފައިވާ 128 މީހުންގެ ސިކުނޑި ދެ ބާވަތެއްގެ އެޑްވާންސްޑް މެޑިކަލް އިމޭޖިންގ ޓެކްނޮލޮޖީ ބޭނުންކޮށްގެން ދިރާސާކުރެވުނެވެ. މި ދިރާސާއިން ސިކުނޑީގެ އެންމެ މުހިންމު މުވާޞަލާތީ ނެޓްވޯކުގެ ތެރެއިން އެއް ނެޓްވޯކް ކަމުގައިވާ ޓާއު ޕްރޮޓީނާއި މީހެއްގެ އަޚްލާޤީ އަލާމާތްތަކުގެ މިންވަރާ ދެމެދު އޮންނަ ގުޅުން ދައްކުވައިދެއެވެ.

ދިރާސާވެރިން ދައްކާފައިވާ ގޮތުގައި، ޓާއު އުފެދުމާއިއެކު މީހެއްގެ ސެލިއެންސް ނެޓްވޯކަށް އަސަރުކުރާ މިންވަރަކުން އެ މީހެއްގެ ސުލޫކީ ބަދަލުތައް އިތުރުވާނެއެވެ. މި ހޯދުންތައް ޝާއިޢުކޮށްފައިވަނީ "އަލްޒައިމާ އެންޑް ޑިމެންޝިއާ: ދަ ޖާނަލް އޮފް ދަ އަލްޒައިމާ އެސޯސިއޭޝަން" ގައެވެ. މި ދިރާސާގައި ބައިވެރިވި 128 ރިސާޗް ވޮލަންޓިއަރުންގެ އެއްފަހަރާ ނެގުނު އިމޭޖިންގ އިން ސަބަބާއި ނަތީޖާ ސީދާ ނުފެނުނު ނަމަވެސް، ޓާއު، ސެލިއެންސް ނެޓްވޯކްގެ ހަލާކުވުން، އަދި ސުލޫކު ބަދަލުވުމާ ދެމެދު އޮންނަ ވަރުގަދަ ގުޅުމަކީ ޝައުޤުވެރިކަން އުފެދޭ ކަމެއްކަމުގައި ދިރާސާ ޓީމުން ފާހަގަކޮށްފައިވެއެވެ.

ސައިންސްވެރިން އުންމީދުކުރާ ގޮތުގައި، ބޮލުގެ ނާށިގަނޑުގެ ބޭރުން ޖަހައި، "ޕްރިސިސް" އިމޭޖިންގ އިން މަގުދައްކައިގެން "ސެލިއެންސް" ނެޓްވޯކަށް އަމާޒުކޮށްގެން، ޑިމެންޝިއާގެ ފަށާ މަރުޙަލާގައި ތިބޭ މީހުންގެ ސުލޫކީ ބަދަލުތައް ލަސްކުރެވޭނެތޯ ވެސް ޓެސްޓްކުރެވިދާނެއެވެ. އަޔޯޑަން ފާހަގަކުރައްވާ ގޮތުގައި، "ޓާއު" އާއި "އެމިލޮއިޑް" ދެނެގަތުމަށް ޕެޓް ސްކޭން މިހާރު ކްލިނިކަލީ ބޭނުންކުރަނީ ޑިމެންޝިއާ ދެނެގަތުމަށާއި، އެމިލޮއިޑް އެއްވުން މަދުކުރުމަށް އަމާޒުކޮށްގެން އައު ބޭސްތަކުން ފަރުވާ މެނޭޖްކުރުމުގައި، ކޮގްނިޓިވް ބަދަލުތައް ލަސްކުރުމުގެ މަޤްޞަދުގައެވެ.

ޓާއު އާއި އެމިލޮއިޑް ހުރިކަން ދެނެގަނެ، ޑިމެންޝިއާގެ ނުރައްކަލުގެ ބަޔޯމާކަރެއްގެ ގޮތުގައި ބޭނުންކުރެވޭ ލޭގެ ޓެސްޓްތައް ވެސް މިހާރު ވަނީ ތަޢާރަފުކުރެވިފައެވެ. މި ޓެސްޓްތަކަކީ ޕެޓް ސްކޭންތަކަށް ވުރެ އަގުހެޔޮ އެއްޗެތި ކަމުން، ސުލޫކީ ބަދަލުތަކުގައި ޓާއުގެ ދައުރު ދެނެގަތުމަށް ކުރިއަށް އޮތް ދިރާސާތަކުގައި ވެސް ބޭނުންތެރިވާނެ ކަމަށް އޭނާ ވިދާޅުވިއެވެ.

ޑރ. ހެމްޕްސްޓެޑްގެ އިސްނެންގެވުމުގެ ދަށުން، އާރުޕީ-ސީއެންބީއައިގެ ޢިލްމީ ދިރާސާވެރިން ވަނީ އަލްޒައިމާ ބައްޔާއި އެއާ ގުޅުންހުރި ޑިމެންޝިއާގެ ބަލިތަކަށް ބޭސް ނޫން ފަރުވާތައް ތަރައްޤީކޮށް ތަޠްބީޤުކުރުމުގެ މަސައްކަތުގައި ނިރަލަމުންނެވެ. މި މަސައްކަތުގައި އެ ބޭފުޅުން ބޭނުންކުރައްވަނީ ނިއުރޯސައިކޮލޮޖިކަލް ވަސީލަތްތަކާއި، އެކި ބާވަތުގެ ނިއުރޯއިމޭޖިންގ އާއި، އިލެކްޓްރިކަލް އަދި މެގްނެޓިކް ބްރެއިން ސްޓިމިއުލޭޝަން އަދި ރިހެބިލިޓޭޝަން އުކުޅުތަކެވެ.ދިރާސާވެރިންގެ ހޯދުންތަކުން ދައްކާގޮތުގައި، ޓާއުގެ ވުޖޫދުގައި މީހެއްގެ ސެލިއެންސް ނެޓްވޯކަށް އަރާ ހުރަހުގެ މިންވަރާ އެއްވަރަކަށް އެ މީހެއްގެ ސުލޫކީ ބަދަލުތައް އިތުރުވެގެންދާނެއެވެ.