މުދަލު ޒަކާތުގެ ނިޞާބު އިތުރުކޮށްފި!

ދިވެހި ރާއްޖޭގެ ޒަކާތު ހައުސްއިން މުދަލު ޒަކާތުގެ ނިޞާބު އިތުރުކޮށްފިއެވެ. 

ޒަކާތު ހައުސްއިން މިއަދު ބުނެފައިވަނީ، މުދަލުޒަކާތުގެ ނިޞާބު ކަނޑައެޅުމުގައި އެ އިދާރާއިން ޢަމަލުކުރަމުންގެންދާ އުސޫލުގެ ދަށުން މިއަދުން ފެށިގެން ދިވެހިރާއްޖޭގައި ފައިސާއިން މުދަލުޒަކާތް ނެރުން ވާޖިބުވާ ނިޞާބަކީ 9240.35 ދިވެހި ރުފިޔާ ކަމަށެވެ.

 https://twitter.com/ZakatHouseMv/status/1845388257145782323

ޒަކާތު ހައުސްއިން އެންމެފަހުން މުދަލު ޒަކާތުގެ ނިޞާބަށް ބަދަލުގެނެސްފައިވަނީ، މިއަހަރުގެ މެއިމަހުގެ 22 ވަނަ ދުވަހުއެވެ. އެފަހަރު ނިޞާބެއްގެ ގޮތުގައި ކަނޑައަޅައިފައިވަނީ 9،353.40 ރުފިޔާއެވެ.

ދިވެހިރާއްޖޭގައި މުދަލު ޒަކާތުގެ ނިޞާބު ކަނޑައަޅަނީ ރިހީގެ އަގަށް ބަލައިގެންނެވެ. އެ އަގު ކަނޑައެޅުމުގައި ޒަކާތު ހައުސްއިން ބަލަނީ މޯލްޑިވްސް މަނިޓަރީ އޮތޯރިޓީ، އެމްއެމްއޭގެ ރަޢުޔަށެވެ.

ދައުލަތުގެ ޓެކްސް އިދާރާގެ ތަފާސްހިސާބުތަކުން ދައްކާގޮތުގައި މިއަހަރުގެ މިހާތަނަށް މުދަލު ޒަކާތުގެ ގޮތުގައި 82 މިލިއަނަށްވުރެ ގިނަ ރުފިޔާ ވަނީ ލިބިފައެވެ.

އަހަރުގެ ކޮންމެ ހިސާބެއްގައިވެސް ނިޞާބު ހަމަވުމުން މުދަލު ޒަކާތް ދެއްކޭނެއެވެ.