އެމްއެމްއޭ އިން ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އަށް ބޭންކިންގ ވިޔަފާރި ކުރުމުގެ ލައިސަންސް ދީފި!

ރާއްޖޭގައި ޑިވެލޮޕްމެންޓް ބޭންކު ހެދުމުގެ ފުރަތަމަ ލައިސެންސް ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އަށް ދީފިއެވެ.

މޯލްޑިވްސް މަނިޓަރީ އޮތޯރިޓީ އެމްއެމްއޭ އިން ބުނެފައިވަނީ ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑް އަށް ދިވެހިރާއްޖޭގައި ޑިވެލޮޕްމަންޓް ބޭންކެއް ހުޅުވުމަށް ބޭނުންވާ ބޭންކިންގ ލައިސަންސް 13 އޮކްޓޫބަރު 2024 ގައި އެ އޮތޯރިޓީއިން ދޫކޮށްފައިވާ ކަމަށެވެ. އަދި މި ބޭންކްއަކީ ސައްތައިންސައްތަ ދިވެހި ސަރުކާރު ހިއްސާވާ ބޭންކެއް ކަމަށްވެސް އެމްއެމްއޭއިން ބުނެފައިވެއެވެ.

މި ބޭންކްގެ ޚިދުމަތް ފެށުމުން، އިޤްތިޞާދީ އަދި މާލީ ކުރިއެރުމަށް ބޭނުންވާ ދިގު މުއްދަތުގެ ފައިނޭންސިންގެ ޚިދުމަތް ދިވެހިރާއްޖޭގައި ތަޢާރަފު ވެގެންދާނެ ކަމަށް އެ އޮތޯރިޓީން ދެކޭ ކަމަށް އެއޮތޯރިޓީ އިން ބުނެފައިވެއެވެ. އެގޮތުން، އެ ބޭންކްގެ ޚިދުމަތް 12 އޮކްޓޫބަރު 2025 ގެ ނިޔަލަށް ފަށަން ޖެހޭ ގޮތަށް ހަމަޖެހިފައިވާ ކަމަށްވެސް އެމްއެމްއޭ އިން ބުނެފައިވެއެވެ. 

އެ އޮތޯރިޓީއިން ދެކޭ ގޮތުގައި މި ބޭންކް ހުޅުވުމަކީ ދިވެހިރާއްޖޭގެ މާލީ ދާއިރާ ހަރުދަނާކަމާއެކު ފުޅާކޮށް ތަރައްޤީ ކުރުމަށް އެޅިގެންދާނެ މުހިންމު ފިޔަވަޅެއް ކަމަށްވެސް އެމްއެމްއޭއިން ބުނެފައިވެއެވެ. 

We are honored to have obtained the first license for Development Banking in the Maldives. This is a historic milestone for the country as envisioned by HEP Dr @MMuizzu in his manifesto and Economic Development vision laid by HE the President Dr Muizzu @presidencymv @MoEDmv pic.twitter.com/h2W6bf5B1A

— Mohamed Saeed (@em_saeed) October 13, 2024

މިކަމާ ގުޅޭގޮތުން ވިޔަފާރި އާއި އިޤްތިޞާދީ ތަރައްޤީއާ ބެހޭ ވަޒީރު މުޙައްމަދު ސަޢީދު އެކްސް ގައި ކުރައްވައިފައިވާ ޕޯސްޓެއްގައި ވިދާޅުވެފައިވަނީ ޑިވެލޮޕްމަންޓް ބޭންކިންގގެ ފުރަތަމަ ލައިސަންސް ލިބިގެން ދިޔުމަކީ ވަރަށް ބޮޑު ފަޚުރެއް ކަމަށެވެ. 

އަދި މިއީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ދުރުވިސްނުންފުޅާއި އިޤްތިޞާދީ ތަރައްޤީގެ ތަޞައްވުރު ކަމަށެެވެ.