ގަންގެހި ރިސޯޓު ބޭރަށް ސްނޯކްލިން އަށް ގޮސްއުޅުނު ފަތުރުވެރިއަކު މަރުވެއްޖެ!

އއ.އަތޮޅު ގަންގެހި ރިސޯޓު ބޭރަށް ސްނޯކްލިން އަށް ގޮސްއުޅުނު ފަތުރުވެރިއަކު މަރުވެއްޖެ ކަމަށް ދިވެހި ފުލުހުންގެ ޚިދުމަތުން ބުނެފިއެެވެ.

ފުލުހުން ބުނެފައިވަނީ މިކަމުގެ މަޢުލޫމާތު ފުލުހުންނަށް ލިބިފައިވަނީ 13 އޮކްޓޯބަރ 2024 ވަނަ ދުވަހުގެ 11:22 ހާއިރު ކަމަށެވެ. 

އަދި ފަތުރުވެރިޔާގެ ހަށިގަނޑު ޞިއްޚީ މަރުކަޒަށް ގެންދިޔައިރުވެސް މަރިވެފައިވާ ކަމަށް ޞިއްޚީ މަރުކަޒުން ބުނެފައިވާކަމަށް ފުލުހުން ވަނީ ބުނެފައެވެ. 

މިމީހާއަކީ ރަސްދޫ ގެސްޓު ހައުސްއެއްގައި ޗުއްޓީ ހޭދަކުރުމަށް އައިސްހުރި ޗައިނާގެ 27 އަހަރުގެ ފިރިހެނެއް ކަމަށްވެސް ފުލުހުން ބުނެފައިވެއެވެ. 

ފުލުހުން ދަނީ އިތުރަށް މި މައްސަލަ ތަހުޤީޤު ކުރަމުންނެވެ.