ޚަބަރު
ވޭޕް މަނާކުރުމަށް ރައީސް މުއިއްޒު ނިންމެވި ނިންމެވުމަކީ ޤައުމު އަބަދު ޝުކުރުވެރިވާނެ ނިންމެވުމެއް: ވަޒީރު އިޙްސާން
ދާޚިލީ ވަޒީރު ޢަލީ އިޙްސާން. ފޮޓޯ: ރައީސް އޮފީސް
ހުލާސާ
ރާއްޖޭޭގައި ވޭޕްކުރުން މަނާ ކުރުމާއި ވޭޕް އެތެރެކުރުން މަނާކުރުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ނިންމެވި ނިންމެވުމަކީ މި ޤައުމު އަބަދު ޝުކުރުވެެރިވާނެ ނިންމެވުމެއް ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ.
ވަޒީރު އިޙްސާން މިހެން ވިދާޅުވީ އެމަނިކުފާނު އެކްސްގައި ކުރެއްވެވި ޕޯސްޓެއްގައެވެ.
ވަޒީރު އިޙްސާން ވިދާޅުވީ ދިވެހި ދަރިން މަސްތުގެ މަގަށް ފަސޭހަކަމާއި އެކު އަނބުރާލާ ކަމެއްގެ ގޮތުގައި އޮތް ވޭޕް ކުރުން މަނާކުރުމަށް ރައީސް ޑރ މުއިއްޒު ނިންމެވި ނިންމެވުމަކީ މިޤައުމު ތާއަބަދަށް ޝުކުރުވެރިވާނެ ޤައުމީ ބޮޑު ނިންމެވުމެއް ކަމަށެވެ.
Dhivehi dharin masthuge magah faseyhakamaaieku amburaalaa kamehge gothugai oiyy “Vape kurun” Manaa kurumah Raeesul jumhooriyya @MMuizzu nimmevi nimmevumakee miqaumu thaa abadhah shukuruverivaane qaumee bodu nimmevumeh. Shukuriyya Raees. 🇲🇻 https://t.co/7YMvcIxjM3
— Minister of Homeland Security & Technology (@min_mohst) October 14, 2024
ރަޢީސް މުއިއްޒު މިރޭ ކުރެއްވެވި ޕޯސްޓެއްގައި ވިދާޅުވެފައިވަނީ ވޭޕްކުރުމަށް ބޭނުންކުރާ ތަކެއްޗާއި، އެ ތަކެތީގެ ވަކިވަކި ބައިތައް ދިވެހިރާއްޖެއަށް އެތެރުކުރުން 15 ނޮވެމްބަރ 2024 އިން ފެށިގެން މަނާ ކުރުމަށާއި، ދިވެހިރާއްޖޭގައި ވޭޕްކުރުމަށް ބޭނުންކުރާ ތަކެތި ބޭނުންކުރުމާއި، ގެންގުޅުމާއި، އުފެއްދުމާއި، ވިއްކުމާއި، ރާއްޖޭގައި އިޝްތިހާރު ކުރުމާއި ހިލޭ ބެހުން 15 ޑިސެމްބަރ 2024 އިން ފެށިގެން މަނާކުރުމަށް ކުރަންޖެހޭ އެންމެހާ ކަންކަން ކުރުމަށް ކަމާބެހޭ ފަރާތްތަކަށް އެމަނިކުފާނު އަންގަވައިފައިވާނެ ކަމަށެވެ.
