ޚަބަރު
228 ސިޔާސީ މުވައްޒަފަކު ވަޒީފާއިން ވަކިކުރުމަށް ރައީސް މުޢިއްޒު އަންގަވައިފި!
ރައީސް މުއިއްޒު ސަރުކާރުގެ ބައެއް ވަޒީރުންނާއިއެކު. ފޮޓޯ: ރައީސް އޮފީސް
ސަރުކާރުގައި ތިއްބެވި 228 ސިޔާސީ މުވައްޒަފަކު ވަޒީފާތަކުން ވަކިކުރުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އަންގަވައިފިއެވެ.
އެމަނިކުފާނު މިކަން ހާމަކުރައްވައިފައިވަނީ އެމަނިކުފާނު އެކްސްގައި މިއަދު ކުރެއްވި ޕޯސްޓެއްގައެވެ.
ރައީސް މުޢިއްޒު ވިދާޅުވީ އިޤްތިޞާދީ އިސްލާޙީ އެޖެންޑާގެ ތެރެއިން، ސީދާ ޚަރަދު ކުޑަކުރުމުގެ ފިޔަވަޅެއްގެ ގޮތުން، ކުރިއަށް އޮތް 15 ދުވަހުގެ ތެރޭގައި ސަރުކާރުގެ އެކި ވުޒާރާތަކުން ސިޔާސީ ގޮތުން އައްޔަންކޮށްފައިވާ 228 މީހަކު ވަކިކުރުމަށް މިއަދު އަންގާފައި ވާނެ ކަމަށެވެ.
މީގެ ތެރޭގައި 7 ސްޓޭޓް މިނިސްޓަރުންނާއި، 43 ނައިބު ވަޒީރުންނާއި، 109 ސީނިއަރ ޕޮލިޓިކަލް ޑިރެކްޓަރުންނާއި، 69 ޕޮލިޓިކަލް ޑިރެކްޓަރުން ހިމެނޭ، ސަރުކާރުގެ ބަޖެޓުން މަހަކު 5.714 މިލިއަން ރުފިޔާ ސަލާމަތް ކުރެވޭނެ - ރައީސް މުއިއްޒު ވިދާޅުވެފައިވެއެވެ.
As part of the Economic Reform Agenda, as a direct cost cut down measure, I have today instructed to remove 228 political appointees from various government ministries within the next 15 days. This includes 7 State Ministers, 43 Deputy Ministers, 109 Senior Political Directors…
— Dr Mohamed Muizzu (@MMuizzu) October 15, 2024
ސަރުކާރުގައި، ތިބެން ނުޖެހޭ ވަރަށް، ގިނަ ޢަދަދެއްގެ ސިޔާސީ މުވައްޒަފުން ތަކެއް ތިބިކަމަށް އިދިކޮޅު ފަރާތްތަކުން އަންނަނީ ބުނަމުންނެވެ. އަދި މިކަމުގެ ސަބަބުން ސަރުކާރުގެ ޚަރަދުތައް ބޮޑު ވަމުންދާ ކަމުގެ ވާހަކަތައް އަންނަނީ ދެކެވެމުންނެވެ.
ދައުލަތުގެ ޚަރަދުތައް ކުޑަ ކުރެއްވުމަށް ސަރުކާރުން އަންނަނީ ގިނަ ފިޔަވަޅު ތަކެއް އަޅުއްވަމުންނެވެ. އެގޮތުން މިއަދު ރައީސް މުޢިއްޒު މިނިންމެވި ނިންމެވުމަކީވެސް އޭގެ ތެރެއިން މުހިންމު އަދި ބޮޑު ނިންމެވުމެކެވެ.
