ގެދޮރުވެރިޔާ ސްކީމަށް ކުރިމަތިލުމަށް ހުޅުވާލައިފައިވާކަމަށް ބުނެ ސްކޭމެއް، ސަމާލުވުމަށް ފުލުހުން ބުނެފި!

ގެދޮރުވެރިޔާ ސްކީމަށް ކުރިމަތިލުމަށް އަލުން ހުޅުވާލައިފައިވާ ކަމަށް ބުނެ ސްކޭމެއް ހިންގަމުންދާތީ އެކަމަށް ސަމާލުވުމަށް ދިވެހި ފުލުހުންގެ ޚިދުމަތުން އިލްތިމާސްކޮށްފިއެވެ.

ފުލުހުން ބުނެފައިވަނީ ގެދޮރުވެރިޔާ ސްކީމުން ފްލެޓްތަކަށް ފޯމު ލުމުގެ ފުރުސަތު އެޗްޑީސީން އަލުން ހުޅުވާލައިފިކަމަށާއި ފޯމް ވެބްސައިޓުން ލިބެން ހުންނާނެކަމަށް ބުނެ ލިންކު ހިމެނޭގޮތަށް ދައުރުކުރަމުންދާ މެސެޖަކީ ސައްޙަ މެސެޖެއް ނޫންކަމަށެވެ.

https://twitter.com/PoliceMv/status/1846055371305373917

މިފަދަ ސްކޭމް ތަކުގައި އާންމުންގެ ގިނަ ބަޔަކު ޖެހި މާލީ ގޮތުން ބޮޑެތި ގެއްލުން ތަކެއް ވަނީ ގިނަ ބަޔަކަށް ލިބިފައެވެ. ސަރުކާރުގެ ބައެއް ކުންފުނި ތަކުގެ ނަމުގައިވެސް މިފަދަ ސްކޭމްތައް އަންނަނީ ގިނަ ޢަދަދަކަށް ހިންގަމުންނެވެ.

މިފަދަ ކަންކަމަށް ސަމާލުވުމަށް ފުލުހުންނާއި ކަމާއި ބެހޭ އެހެން އިދާރާތަކުން އަބަދުވެސް އާންމުންނަށް އިލްތިމާސް ކުރަމުންދެއެވެ.