ހުޅުމާލެ ތިން ކެފޭއެއް ބަލައި ފާސްކޮށް 2 ބިދޭސީއަކު އިމިގްރޭޝަންގެ ބެލުމުގެ ދަށަށް!

ހުޅުމާލޭގައި ހުންނަ ތިން ކެފޭއެއް ބަލައި ފާސްކޮށް ދެ ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އެއިދާރާއިން ބުނެފިއެވެ.

އިމިގްރޭޝަނުން ބުނެފައިވަނީ ޤަވާއިދާ ޚިލާފަށް އުޅޭ ބިދޭސީން ބަލައި ފާސްކުރުމަށް ކުރަމުންދާ މަސައްކަތުގެ ތެރެއިން އިއްޔެ ވަނީ ހުޅުމާލެ ފޭސް 01 ގައި ޓޭކްއަވޭ/ކެފޭ ހިންގަމުންދާ 03 ތަނެއް ބަލައި ފާސްކޮށްފައި ކަމަށެވެ. އަދި މިތަންތަނުގައި ޤަވާއިދާ ޚިލާފަށް މަސައްކަތް ކުރަމުންދިޔަ 2 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަށެވެ. 

https://twitter.com/ImmigrationMV/status/1846502596258988157

ރާއްޖޭގައި ޤަވާއިދާ ޚިލާފަށް އުޅޭ ބިދޭސީން ދަނެގަތުމަށް އިމިގްރޭޝަނާއި ދިވެހި ފުލުހުންގެ ޚިދުމަތާއި އަދިވެސް ކަމާއި ބެހޭ އެހެން އިދާރާތައް ގުޅިގެން ކުރިއަށްދާ މި އޮޕަޜޭޝަން ތަކުގައި މިހާތަނަށް ޤަވާއިދާ ޚިލާފަށް ރާއްޖޭގައި އުޅެމުންދާ އެތައް ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސް އޭގެ ތެރެއިން ގިނަ ބަޔަކު ޑީޕޯޓު ކޮށްލައިފައިވެއެވެ. 

ރާއްޖޭގައި ޤަވާއިދާ ޚިލާފަށް އުޅޭ ބިދޭސީން ދެނެގަތުމުގެ އޮޕަރޭޝަން ފަށައިފައިވަނީ މިއަހަރުގެ މެއި މަހުގެ ދެވަނަ ދުވަހުއެވެ.