ސްޓެލްކޯގެ ބިޒްނަސް ސެންޓަރ އިމާރާތްކުރުމުގެ މަސައްކަތް ނިމުމަކާ ކައިރިވެއްޖެ

 ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދުރުވިސްނުންފުޅާ އެއްގޮތަށް، ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ކުރިއަށްގެންދާ ބިޒްނަސް ސެންޓަރުގެ އިމާރާތްކުރުމުގެ މަސައްކަތް ނިމުމަކާ ވަރަށް ކައިރިވެފައިވާ ކަމަށް އެ ކުންފުނީގެ މެނޭޖިންގ ޑިރެކްޓަރ އަޙްމަދު ފަހުމީ މަޢުލޫމާތު ދެއްވައިފިއެވެ.

ސްޓެލްކޯގެ މުވައްޒަފުންގެ މަސައްކަތްތެރިކަމާއި ހުނަރުވެރިކަމުން އިމާރާތްކުރެވެމުންދާ މި ދެ ބުރީގެ އިމާރާތުގެ ޖުމްލަ ބޮޑުމިނަކީ 7،500 އަކަފޫޓެވެ. މި މަޝްރޫޢު އައުޓްސޯސްކޮށްގެން ކުރިއަށް ގެންދިޔަނަމަ 13 މިލިއަން ރުފިޔާ ޚަރަދުވާނެ ކަމަށް އަންދާޒާކުރެވޭ ކަމަށް ފަހުމީ ވިދާޅުވިއެވެ. އެހެންނަމަވެސް ސްޓެލްކޯގެ މުވައްޒަފުންގެ ފަންނުވެރިކަމާއި މިންނެތް މަސައްކަތުން މި ފައިސާ ސަލާމަތްކުރެވިފައިވާ ކަމަށް އެމްޑީ ފާހަގަކުރެއްވިއެވެ.

މި ބިޒްނަސް ސެންޓަރުގައި އިންޖީނު، ޓްރާންސްފޯމަރ، ކޭބަލް އަދި އާ އަދި އިއާދަކުރަނިވި ހަކަތައާ ގުޅޭ ޙައްލުތަކާއި، ހަކަތަ ރައްކާކުރާ ނިޒާމުތައް ވިއްކުމަށް ހަމަޖެހިފައިވާ ކަމަށް ފަހުމީ ހާމަކުރެއްވިއެވެ. މިއީ ދިވެހިރާއްޖޭގައި ދިމާވެދާނެ ކުއްލި ޙާލަތްތަކަށް ތައްޔާރުވުމަށް އެޅޭ އިސްތިރާޖީ ފިޔަވަޅެއް ކަމަށާއި، މިކަމަކީ ރައީސް ޑރ. މުޢިއްޒުގެ ވަޢުދުފުޅުތަކާ އެއްގޮތަށް، ދިވެހިރާއްޖޭގެ ހަކަތައިގެ ދާއިރާ ހަރުދަނާކޮށް، ރައްކާތެރިކަން ކަށަވަރުކުރުމަށް އެޅޭ މުހިންމު ފިޔަވަޅެއް ކަމުގައިވެސް ފަހުމީ އިތުރަށް ފާހަގަކުރެއްވިއެވެ.

Under the visionary leadership of His Excellency President @MMuizzu , the @STELCOMALDIVES Business Centre is nearing completion. This two-story, 7,500-square-foot building, constructed by our dedicated Stelco staff, stands as a testament to their hard work and expertise. Thanks… pic.twitter.com/M9MwBM4C7V

— Hussain Fahmy (@HussainFahmy09) October 17, 2024