ނިދާފައި އޮއްވައި އަނިޔާކުރި މީހަކަށް ފަރުވާދެމުން ދަނިކޮށް ނިޔާވެއްޖެ

ނިދާފައި އޮއްވައި އަނިޔާކުރި މީހަކަށް ފަރުވާދެމުން ދަނިކޮށް އެ މީހާ ނިޔާވެއްޖެއެވެ.

އއ. މާޅޮހުގައި ހިނގި މި ހާދިސާގައި ނިޔާވެފައިވަނީ އެ ރަށު އޯކިޑުމާގެ އަބްދުއް ރަޙްމާން އާދަމް، 65އ، އެވެ.

ފުލުހުން ހާމަކޮށްފައިވާ ގޮތުގައި، މި ހާދިސާގެ ރިޕޯޓު އެ އިދާރާއަށް ލިބުނީ ރޭ މެންދަމު 01:50 ހާއިރެވެ. އޭރު އޭނާއަށް ދިޔައީ މާޅޮހު ސިއްޙީ މަރުކަޒުގައި ފަރުވާ ދެމުންނެވެ.

މި މައްސަލައިގެ އިތުރު ތަފްސީލެއް މިހާތަނަށް ހާމަކޮށްފައިނުވާއިރު، މި މައްސަލައިގެ ތަޙުޤީޤަށް ފުލުހުންގެ ޓީމެއް އެ ރަށަށް ދިއުމަށް މިހާރު އަންނަނީ ދަތުރުކުރަމުންނެވެ.