ވިލިމާލޭގައި އިމާރާތްކުރާ 100 އެނދުގެ ޓާޝަރީ ހޮސްޕިޓަލް ޑިޒައިން ކުރުމުގެ މަސައްކަތް ފަށަނީ

ވިލިމާލޭގައި ޗައިނާ ސަރުކާރުގެ ހިލޭ އެހީގައި އިމާރާތްކުރާ 100 އެނދުގެ ޓާޝަރީ ހޮސްޕިޓަލް ޑިޒައިން ކުރުމުގެ މަސައްކަތް ފެށުމަށް މަގުފަހިވެއްޖެއެވެ. މިކަން އިއުލާނުކުރީ މިއަދު މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރގައި ބޭއްވުނު ޚާއްޞަ ރަސްމިއްޔާތެއްގައެވެ.

މި ރަސްމިއްޔާތުގައި، ހޮސްޕިޓަލް އިމާރާތްކުރުމުގެ ފީސިބިލިޓީ ސްޓަޑީ ނިމުމާ ގުޅިގެން، އެ ދިރާސާގެ ހޯދުންތަކާ ގުޅޭ މެމޮރެންޑަމް އޮފް ފީސިބިލިޓީ ފައިންޑިންގްސްގައި ދިވެހި ސަރުކާރާއި ޗައިނާ ސަރުކާރުން ސޮއިކުރިއެވެ. މި މެމޮރެންޑަމްގައި ދިވެހި ސަރުކާރުގެ ފަރާތުން ސޮއިކުރެއްވީ މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ، ޑރ. އަބްދުﷲ މުއްތޮލިބެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ރާއްޖޭގައި ހުންނަވާ ޗައިނާގެ ސަފީރު، އަލްފާޟިލާ ވޮން ލީޝިންއެވެ.

މި ރަސްމިއްޔާތުގައި ދަރުމަވަންތަ ހޮސްޕިޓަލުގެ ޗީފް އެގްޒެކެޓިވް އޮފިސަރ އިބްރާހިމް އަބްދުއްރައްޒާޤު ޙަލީމްގެ އިތުރުން، މިނިސްޓްރީގެ އިސް ވެރިންނާއި، ޗައިނާ އެމްބަސީގެ އިސް ބޭފުޅުންނާއި، މާލެ ސިޓީ ހޮސްޕިޓަލްތަކުގެ އިސް ވެރިން ބައިވެރިވެ ވަޑައިގެންނެވިއެވެ.

މި މެމޮރެންޑަމްގައި ސޮއިކުރުމާއެކު، މި ޕްރޮޖެކްޓުގެ ދެން އޮތް މަރުހަލާ ކަމުގައިވާ ޑިޒައިން އަދި ޕްރޮކިއުމަންޓް މަރުހަލާއަށް ދިއުމަށް މަގުފަހިވެގެން ދިޔައެވެ. މިއީ ވިލިމާލޭގެ ޞިއްޙީ ޚިދުމަތްތައް ފުޅާކޮށް، ރައްޔިތުންނަށް ފަސޭހައިން ޓާޝަރީ ފެންވަރުގެ ޚިދުމަތްތައް ލިބިގެންދާނެ މުހިންމު މަޝްރޫޢެއް ކަމުގައި ފާހަގަކުރެވެއެވެ.

A signing ceremony was held today on the completion of the Feasibility study of the 100-bed Hospital in Villimale’. The memorandum of feasibility findings was signed by the Minister of Construction and Infrastructure, Dr. Abdulla Muththalib, and the Ambassador of the People’s… pic.twitter.com/abG8S6Ftyo

— Ministry of Construction and Infrastructure (@MoCImv) October 17, 2024