މިއަހަރުގެ އެންމެ ބޮޑު އަދި އެންމެ އަލި "ސުޕަރ ހަންޓަރސް މޫން" މިރޭ ފެންނާނެ

މިއަހަރުގެ އެންމެ ބޮޑު އަދި އެންމެ އަލި ފުރިހަމަ ހަނދު ކަމުގައިވާ "ސުޕަރ ހަންޓަރސް މޫން" މިރޭ ފެންނަން ފަށާނެ ކަމަށް ނޭޝަނަލް އެރޮނޯޓިކްސް އެންޑް ސްޕޭސް އެޑްމިނިސްޓްރޭޝަން (ނާސާ) އިން ހާމަކޮށްފިއެވެ.

 މިއީ ވިދިވިދިގެން އަންނަ ހަތަރު ސުޕަރމޫންގެ ތެރެއިން ތިންވަނަ ސުޕަރމޫނެވެ. ސުޕަރމޫނަކީ ހަނދު ބިމާ އެންމެ ކައިރިވާ ހިސާބުގައި އޮންނަ އިރު ފެންނަ ފުރިހަމަ ހަނދެވެ. މި މަހުގެ ސުޕަރމޫނަކީ މިއަހަރުގެ އެންމެ ކައިރި ސުޕަރމޫން ކަމަށްވާތީ، މިއީ ޚާއްޞަ ސުޕަރމޫނެއް ކަމަށް ނާސާގެ ތަފާސްހިސާބު ތައްޔާރުކުރާ ފަރާތް ކަމުގައިވާ ގޯޑަން ޖޮންސްޓަން ވިދާޅުވިއެވެ.

 މި މަހުގެ ފުރިހަމަ ހަނދު ބިމާ ހުންނާނީ 222,055 މޭލުގެ ދުރުމިނުގައެވެ. މިއީ ވޭތުވެދިޔަ މަހުގެ ސުޕަރމޫނަށްވުރެ ވެސް ކައިރި މިނެކެވެ. ސެޕްޓެމްބަރު މަހުގެ ސުޕަރމޫން ބިމާ ހުރީ 222,131 މޭލުގެ ދުރުމިނުގައެވެ.

 ފުރިހަމަ ހަނދު ފެންނާނެ ސީދާ ވަގުތަކީ ބުރާސްފަތި ދުވަހުގެ ހެނދުނު 7:26 (އިރުމަތީ ވަގުތު) އެވެ. ނަމަވެސް ބުދަ ދުވަހުގެ ރޭއިން ފެށިގެން ހުކުރު ދުވަހުގެ ހެނދުނާ ހަމައަށް ފުރިހަމަ ހަނދު ފެންނަން ހުންނާނެއެވެ.

ދެން އަންނަ ސުޕަރމޫނަކީ ކޮބައިތޯ؟
މި ހަފްތާގެ ސުޕަރމޫނަށްފަހު، ދެން އަންނަ ސުޕަރމޫނެއް ބަލަން ބޭނުންވާ ފަރާތްތަކަށް ގިނަ ދުވަހެއް މަޑުކުރާކަށް ނުޖެހޭނެއެވެ. ނޮވެމްބަރު މަހުގެ ފުރިހަމަ ހަނދަކީވެސް ސުޕަރމޫނެކެވެ. އެއީ މި އަހަރުގެ އެންމެ ފަހު ސުޕަރމޫނެވެ.

2025 ވަނަ އަހަރު ތިން ސުޕަރމޫން ފެންނާނެއެވެ. އޮކްޓޯބަރު، ނޮވެމްބަރު އަދި ޑިސެމްބަރު މަހު މަހަކު އެއް ސުޕަރމޫނެވެ. 2026 ވަނަ އަހަރުގެ ޖަނަވަރީ މަހުގެ ސުޕަރމޫނުން ނިމުމަކަށް އަންނާނީ މި ހަތަރު ބޮޑު އަދި އަލިކަން ގަދަ ފުރިހަމަ ހަނދުގެ ސިލްސިލާއެވެ