ޣައްޒާގެ އުތުރަށް އިޒްރާއިލުން ދިން ވަރުގަދަ ހަމަލާތަކާއި އެކު އެސަރަހައްދުގެ ހޮސްޕިޓަލްތަކުގެ ޚިދުމަތް މެދުކެނޑިއްޖެ!

ޣައްޒާގެ އުތުރުގެ އިޒްރާއިލުން ދިން ވަރުގަދަ ހަމަލާތަކާއި އެކު އެސަރަހައްދުގެ ހޮސްޕިޓަލް ތަކުގެ ޚިދުމަތް އެކުގައި ކެނދިފައިވާ ކަމަށް ޣައްޒާގެ ޞިއްޙީ އޮފިޝަލަކު ވިދާޅުވެއްޖެއެވެ. 

އަލްޖަޒީރާގައި ޣައްޒާގެ ޞިއްޙީ އޮފިޝަލަކާއި ހަވާލާދީ ބުނެފައިވަނީ އިޒްރާއީލު ސިފައިން ބަރުހަތިޔާރު ތަކާއި އެކު ވަށާލައިފައިވާ ޣައްޒާގެ އުތުރު ސަރަހައްދުގެ ތިން ހޮސްޕިޓިލު ވެސް މިހާރު ވަނީ ޚިދުމަތް މެދުކެނޑިފައިކަމަށެވެ.

 ޝަހީދުވި މީހުންގެ ޢަދަދު ގުނައި ޢަދަދު ނުކުރެވޭ ހިސާބަށް ގޮސްފި .

އޮފިޝަލް ވިދާޅުވެފައިވެއެވެ.

 ޣައްޒާގެ އުތުރުގައި ހުންނަ އިންޑޮނޭޝިއާ، އަލްއައުދާ އަދި ކަމާލް އަދުވާން ހޮސްޕިޓަލަށް އިޒްރާއީލުގެ ސިފައިންގެ ހަމަލާތައް ދީފައިވެއެވެ. އެހަމަލާތަކުގެ ތެރޭގައި އާޓިލަރީ ބޮންއެޅުން ހިމެނެ އެވެ.

އިންޑޮނޭޝިއާގެ ހޮސްޕިޓަލަށް އިޒްރާއީލުގެ އާޓިލަރީ ބޮމުގެ ހަމަލާއެއް ދީފައިވާއިރު، މިހަމަލާ ޚާއްޞަކޮށް އެ އިމާރާތުގެ ދެވަނަ ފަންގިފިލާއާއި ތިންވަނަ ފަންގިފިލާއަށް ވަނީ އަރައިފައެވެ. 

މީގެ އިތުރުން ކަމާލް އަދުވާން ހޮސްޕިޓަލުގެ ގޯތިތެރެއަށްވެސް ވަނީ އާޓިލަރީ ބޮމުގެ ހަމަލާއެއް ދީފައެވެ. 

އިޒްރާއީލުގެ އަސްކަރިއްޔާއިން ކަމާލް އަދުވާން ހޮސްޕިޓަލްގެ ގޯތިތެރެއަށް ވެސް ހަމަލާދީފައިވެއެވެ. މި ހަމަލާ ދީފައިވަނީ އެހޮސްޕިޓަލުގައި އާންމުކޮށް އެމްބިއުލާންސް ބަހައްޓައި އެތަކެތި އާންމުކޮށް ބަލަހައްޓާ ހަދާ މައި އިމާރާތްތަކުގެ ތެރެއިން އެއް އިމާރާތާ ކައިރިއަށެވެ.

އިންޑޮނޭޝިއާ ހޮސްޕިޓަލަށް ދިން ހަމަލާގެ ސަބަބުން އެހޮސްޕިޓަލުގެ ކަރަންޓު އެއްކޮށް ކެނޑި އައިސީޔޫގައި ފަރުވާހޯދަމުން ދިޔަ ފަލަސްޠީނުގެ ދެމީހަކު ވަނީ ނިޔާވެފައެވެ. 

އިޒްރާއިލްގެ ޢަސްކަރިއްޔާއިން ވަނީ އިންޑޮނޭޝިއާ ހޮސްޕިޓަލް ވަށާލާފައި ކަމަށާއި އެ ހޮސްޕިޓަލުގައި ތިބި މީހުން ތިބީ އެތަނުގައި ތާށިވެފައި ކަމަށް އަލްޖަޒީރާގައި ރިޕޯޓުކޮށްފައިވެއެވެ.

ޞިއްޙީ މަސްދަރުތަކަށް ހަވާލާދީ އަލްޖަޒީރާގައި ބުނެފައިވާ ގޮތުގައި އިޒްރާއީލުން ޖަބަލިއާ ރެފިއުޖީ ކޭމްޕް ވަށާލިތާ 15 ދުވަސްވެފައިވާއިރު، އިޒްެރާއިލް ސިފައިން ދަނީ އެސަރަހައްދުގައި މީހުން ދިރިއުޅޭ ޢިމާރާތްތަކަށް އަމާޒުކޮށް ހަމަލާތައް ދެމުންނެވެ. އެހަމަލާތަކުގެ ސަބަބުން 450 މީހުން މިހާރު ވަނީ ޝަހީދުވެފައެވެ. 

މިއަދު ޣައްޒާގެ ޝާތީ ރެފިއުޖީ ކޭމްޕަށް ހަމަލާތަކެއް ދީފައިވާއިރު، އެތަނުގެ ވަގުތީ ހިޔާވަހިކަމުގައި ތިބި ފަލަސްޠީނުގެ ހަތް މީހަކު ވަނީ ޝަހީދުވެފައެވެ.