އެހީގެ ޓްރަކްތައް ޣައްޒާގެ އުތުރަށް ނުވަދެވޭނެހެން އިޒްރާއިލުން ބަންދުކޮށްފި!

ޣައްޒާގެ އުތުރަށް އެހީގެ ޓްރަކްތަަކަށް ނުވަދެވޭނެހެން ބަންދުކޮށްފައިވާ ކަމަށް ފަލަސްޠީނުގައި ވޮލެންޓިއަރ ކޮށް ހަރަކާތްތެރިވާ އިނގިރޭސިވިލާތުގެ ޑޮކްޓަރަކު ބުނެފިއެވެ. 

ޣައްޒާގައި އަވަސްފަރުވާ ދިނުމަށް ހަރަކާތްތެރިވެ އެނބުރި ޤައުމަށް ގޮސްފައިވާ ޑރ ޖޭމްސް ސްމިތް އަލްޖަޒީރާ އާއި ވާހަކަ ދައްކަމުން ބުނެފައިވަނީ 7 އޮކްޓޯބަރު 2023 ފެށިގެންވެސް ކޮންމެހެން ބޭނުންވެފައިވާ ތަކެތީގެ އެހީގެ ޓްރަކްތައް ޣައްޒާއަށް ވަނުމަށް އިޒްރާއިލް ސިފައިން ހުރަސްއަޅަމުންދާކަމަށެވެ. 

އޭރާއި އަޅައިބަލާއިރު މިހާރު ބޭނުންތައް ވަނީ ހަމަޔަޤީނުންވެސް އިތުރުވެފަ .

ޑރ ޖޯންސް ސްމިތް ބުނެފައިވެއެވެ.

ސްމިތް ބުނެފައިވަނީ އޭނާ ޣައްޒާގެ ދެކުނުން އުތުރަށް ބަދަލުވާން މަސައްކަތް ކުރި މެޑިކަލް ޓީމަކާއި ގުޅެން މަސައްކަތް ކުރިކަމަށެވެ. ނަމަވެސް އިޒްރާއިލް ޗެކްޕޮއިންޓްތަކުން ހުރަސްއެޅުމުގެ ސަބަބުން އުތުރަށް ދިއުމަށް ހުރަސްއެޅުނު ކަމަށެވެ.

މިކަމުގެ ސަބަބުން ޣައްޒާގެ އުތުރުގައި ޒަޚަމްތަކާއި އެކުވާ ޞިއްޚީ އެހީތެރިކަމަށް ބޭނުންވެފައިވާ މީހުންނަށް އެހީތެރިކަން ނުދެވިފައިވާ ކަމަށެވެ. ޑރ ޖޭމްސް ސްމިތް ބުނީ އިޒްރާއީލުން ބޮން ގޮއްވާލުމާއި އަސްކަރީ ރެއިޑްތަކުގެ 12 މަސް ފަހުން އުތުރުގެ ހޮސްޕިޓަލްތަކުން އަސާސީ ފެންވަރުގެ ޞިއްޙީ ފަރުވާ ނުދެވޭ ކަމަށެވެ. 

ޣައްޒާގެ އުތުރުގައި އޮންނަ ކަމަލް އަދްވާން ހޮސްޕިޓަލާއި އިންޑޮނޭޝިއާ ހޮސްޕިޓަލާއި އަލްއައުދާ ހޮސްޕިޓަލަށް ވެސް ފާއިތުވި ދުވަސްތަކުގައި އިޒްރާއީލުގެ ސިފައިން ވަނީ ހަމަލާދީފަ އެވެ.

 އެހޮސްޕިޓަލްތައް އަސާސީ މެޑިކަލް އިކުއިޕްމަންޓާއި ތެލުން ވަނީ މަހުރޫމްކޮށްފައި 

ޖޭމްސް ސްމިތް ބުނެފައިވެއެވެ.

 އިންޑޮނޭޝިއާ ހޮސްޕިޓަލުގައި ބަލި ދެމީހަކު ދާދިފަހުން ނިޔާވެފައިވަނީ  ކޮންމެހެން ބޭނުންވާ މެޑިކަލް އިކުއިޕްމަންޓްތައް ހިންގުމަށް ބޭނުންވާ ތެޔޮ ނެތުމުން ކަމަށް ޖޯންސް ސްމިތް ވަނީ ބުނެފައެވެ.

މި ހޮސްޕިޓަލްތައް ހުޅުވާފައި ހުރެ އެހޮސްޕިޓަލްތަކުން ފަރުވާ ދިނުމަކީ  އެ ހޮސްޕިޓަލްތަކުގެ މުވައްޒަފުންގެ ވަރުގަދަ ޢަޒުމެއް

ޑރ ސްމިތް ބުނެފައިވެއެވެ