ޚަބަރު
ޤާނޫނު އަސާސީއާއި ޚިލާފަށް ކޮށްފައިވާ ކަންކަމަށް ފުރިހަމައަށް ޖަވާބުދާރީ ވާން ޖެހޭނެ: ނައިބުރައީސް ހުސެއިން
ނައިބުރައީސް ހުސެއިން މުޙައްމަދު ލަޠީފް. ފޮޓޯ:ރައީސް އޮފީސް
ޤާނޫނު އަސާސީ އާއި ޚިލާފަށް ކޮށްފައިވާ ކަންކަމަށް ފުރިހަމައަށް ޖަވާބުދާރީ ވާން ޖެހޭނެ ކަމަށް ނައިބުރައީސް ހުސެއިން މުޙައްމަދު ލަޠީފް ވިދާޅުވެއްޖެއެވެ.
ނައިބުރައީސް ހުސެއިން މުޙައްމަދު ލަޠީފް މިހެން ވިދާޅުވީ ފޭސްބުކްގައި ހިއްސާކުރެއްވެވި ޕޯސްޓެއްގައެވެ.
ނައިބުރައީސް ހުސެއިން ވިދާޅުވެފައިވަނީ މިއަދު މިފެނިގެންދަނީ ނިމިދިޔަ ސަރުކާރުން ލިބުނު ސުޕަރ މެޖޯރިޓީ ބޭނުންކޮށް، ނަހަމަ ގޮތުގައި ކުރަމުންދިޔަ ކަންކަން ފަސްއަޅާ ފޮރުވުމުގެ ނަތީޖާ ކަމަށެވެ.
ދިވެހި ދައުލަތަށް ކޮވިޑުގެ ދުވަސްވަރު ލިބުނު އެހީތަކުގެ ތަފްސީލު ވެސް ފޮރުވާފައިވަނީ މިބީދައިން. ޤާނޫނު އަސާސީއާއި ޚިލާފަށް ކޮށްފައިވާ ކަންކަމަށް ފުރިހަމައަށް ޖަވާބުދާރީ ވާން ޖެހޭނެ
ނައިބުރައީސް ހުސެއިން މުޙައްމަދު ލަޠީފް ވިދާޅުވެފަައިވެއެވެ.
ނައިބުރައީސް ހުސެއިން މިހެން ވިދާޅުވެފައިވަނީ އިއްޔެ ސަރުކާރުން ބޭއްވި ނޫސްވެރިންގެ ބައްދަލުވުމުގައި ހާމަކުރި އެމްޑީޕީ ސަރުކާރުގެ ޚިޔާނާތުގެ މައްސަލައާއި ގުޅިގެން ކުރީގެ މާލީ ވަޒީރު އިބްރާހިމް އަމީރު ވިދާޅުވެފައިވާ ބަސްފުޅަކަށް ރައްދުދެއްވަމުންނެވެ.
އަމީރު ވިދާޅުވެފައިވަނީ ކުރީ ސަރުކާރުގެ މާލީ ހިސާބުތައް އޮޅުވާލީ ރައީސް އޮފީހުގެ ނުފޫޒުން ކަމަށާއި މާލީ ހިސާބުތަކާއި މެދު ސަރުކާރުން ހަދަނީ ބުހުތާން ދޮގުކަމަށެވެ.
އަމީރު ވަނީ ލިބޭ އާމްދަނީ އިތުރުވަމުންދާއިރު ވެސް ސަރުކާރަށް ޚަރަދު ދެކޮޅު ނުޖެއްސެނީ މާލީ ގޮތުން ނާޤާބިލްވުމުން ކަމަށް ސިފަކުރައްވާފައެވެ. އަދި ނިމިދިޔަ ސަރުކާރުގައި ވެސް ކޭޝް ފްލޯ ހިނގަނީ އޮންނަ އުސޫލުގެ ތެރެއިން ކަމަށް އޭނާ ވިދާޅުވިއެވެ. އަމީރު މިހެން ވިދާޅުވެފައިވަނީ ރާއްޖެ ޓީވީ އާއި ވާހަކަދައްކަވަމުންނެވެ.
