ވ.އަތޮޅު ގައި ފަތުރުވެރިއެއް ގެނބިގެން މަރުވެއްޖެ!

ވ.އަތޮޅު ރިސޯޓެއްގައި މޫދަށްއެރިއުޅުނު ފަތުރުވެރިޔަކު ގެނބިގެން މަރުވެއްޖެއެވެ.

މިކަމާއިގުޅިގެން ދިވެހި ފުލުހުންގެ ޚިދުމަތުން ބުނެފައިވަނީ ވ.އަތޮޅު ރިސޯޓެއްގައި މޫދަށް އެރިއުޅުނު ފަތުރުވެރިއަކު ގެނބިގެން މަރުވެފައިވާ ކަމުގެ ރިޕޯޓު މިއަދުގެ 11:29 އެހާއިރު ލިބިފައިވާކަމަށެވެ. 

ފެލިދޫ ހޮސްޕިޓަލަަށް އެމީހާ ގެންދިޔައިރުވެސް އެމީހާ ނިޔާވެފައިވާކަމަށް ހޮސްޕިޓަލާއި ހަވާލާދީ ފުލުހުން ވަނީ ބުނެފައެވެ. އަދި ނިޔާވެފައިވަނީ ބެލަރޫސް އަށް ނިސްބަތްވާ 63 އަހަރުގެ އަންހެނެއް ކަމަށްވެސް ފުލުހުން ބުނެފައިވެއެވެ.

ފުލުހުން ބުނެފައިވަނީ މިމައްސަލަ އެމުއައްސަސާއިން އިތުރަށް ތަހުޤީޤު ކުރަމުންދާކަމަށެވެ.