ސްކޫލް ޓީޗަރަކު ދަރިވަރުންގެ އުމުރާ ނުގުޅޭ ވާހަކަތަކެއް ދައްކައި “ގްރޫމް” ކުރި މައްސަލައެއް ބަލަނީ!

ސްކޫލް ޓީޗަރަކު ދަރިވަރުންގެ އުމުރާ ނުގުޅޭ ވާހަކަތަކެއް ދައްކައި “ގްރޫމް” ކުރި މައްސަލައެއް ދިވެހި ފުލުހުންގެ ޚިދުމަތުން ބަލަންފަށައިފިއެވެ. 

މިކަމާ ގުޅިގެން ފުލުހުން ބުނެފައިވަނީ ދެކުނުން މެދުރާއްޖެތެރޭ ސަރަޙައްދުގެ (މ، ފ، ދ، ތ، ލ) ސްކޫލެއްގެ ފިރިހެން މުދައްރިސަކު ދަރިވަރުންގެ އުމުރާ ނުގުޅޭ ވާހަކަ ދައްކައި، އެ ކުދިން ގްރޫމް ކުރި ކަމަށް ތުހުމަތު ކުރެވޭ މައްސަލައެއް ފުލުހުންނަށް ރިޕޯޓު ކޮށްފައިވާ ކަމަށެވެ.

ފުލުހުންގެ ބަޔާނުގައި ބުނެފައިވަނީ، މި މައްސަލަ ރިޕޯޓު ކޮށްފައިވަނީ މިދިޔަ އޮކްޓޯބަރ މަހުގެ 17 ވަނަ ދުވަހުކަމަށެވެ. އަދި މިހާރު މި މައްސަލަ ތަޙުޤީޤު ކުރަމުން ގެންދާ ކަމަށް ފުލުހުން ބުނެއެވެ.

ކުޑަކުދިންނާ ގުޅޭ މައްސަލަތަކަކީ ވަރަށް ސީރިއަސް މައްސަލަތަކެއްގެ ގޮތުގައި ވާތީ، ކުއްޖާގެ އައިޑެންޓިޓީ ރައްކާތެރި ކުރުމުގެ ގޮތުން އެކުއްޖާގެ އަތޮޅާއި ރަށް ފުލުހުން ހާމަކޮށްފައެއް ނުވެއެވެ.