ދުނިޔެ

ޣަައްޒާގައި އދ އިން ހަދައިފައިވާ ވަގުތީ ހިޔާއަކަށް އިޒްރާއިލުން ހަމަލާދީފި!

ޣަައްޒާގައި އދ އިން ހަދައިފައިވާ ވަގުތީ ހިޔާއަކަށް އިޒްރާއިލުން ހަމަލާދީފި!

ޣައްޒާގައި ޝަހީދުވި ބައެއްގެ މައްޗަށް ކަށުނަމާދުކުރެވެނީ. ފޮޓޯ: އަލްޖަޒީރާ

ޙަސްނާ އަޙްމަދް

ޙަސްނާ އަޙްމަދް

21 އޮކްޓޯބަރު 2024، 06:12

21 އޮކްޓޯބަރު 2024، 06:12

ފަލަސްޠީނުގެ ޣައްޒާގައި އދ.އިން ހަދައިފައިވާ ވަގުތީ ހިޔާއަކަށް އަމާޒުކޮށް އިޒްރާއިލް ސިފައިން ހަމަލާދީފިއެވެ. 

މި ވަގުތީ ހިޔަލަކީ އދ.ން ޣައްޒާގައި ހިންގަމުންދިޔަ ސްކޫލެކެވެ. އަދި އިޒްރާއިލްގެ ހަމަލާތައް ފެށުމާއި އެކު ރައްކާތެރިކަމާއި ބޯހިޔާވަހިކަން ހޯދުމަށް ބޭނުންކުރުމުން ދިޔަ މިސްކޫލް ހުސްކުރުމަށް އިޒްރާއިލް ސިފައިން އަންގައިފައިވާއިރު، އެތަނަށް އަމާޒުކޮށް އިޒްރާއިލުން ވަނީ ހަމަލާދީފައެވެ.

މިހަމަލާގައި 7 މީހަކު ވަނީ ޝަހީދުވެފައެވެ. ޣައްޒާގެ ބިމުން އަލްޖަޒީރާއަށް މަޢުލޫމާތު ދިން މީހަކަށް ބުނެފައިވަނީ ލައުޑްސްޕީކަރު ޖަހާފައިވާ އިސްރާއީލުގެ ކުއަޑްކޮޕްޓަރު ޑްރޯންތަކުން ވަނީ ޣައްޒާގެ އުތުރުގައި ހުރި ވަގުތީ ހިޔާތަކުގައި ތާށިވެފައި ތިބި އާއިލާތަކަށް އެތަންތަން ދޫކޮށް ދިޔުމަށް އަމުރުކޮށްފައެވެ.

 އެއަމުރާއި އެކު އެތަންދޫކޮށް ދިޔުމަށް އެތަނުގެ ގޭޓު ކުރިމައްޗަށް އެއްވި ބަޔަކަށް އަމާޒުކޮށް އިޒްރާއިލުން ވަނީ ވަރުގަދަ ހަމަލާއެއް ދީފައެވެ. ޝަހީދުވި ހަތް މީހުން ޝަހީދުވެފައިވަނީ މިހަމަލާގައެވެ. މި ހަމަލާގެ ސަބަބުން ބޮޑު ބިރުވެރިކަމެއް ފެތުރި، ކުރިން ތިބިތަނުގެ ތެރެއަށް އެނބުރި އެމީހުން ވަނީ ވަދެފައި ކަމަށް އަލްޖަޒީރާގައި ރިޕޯޓު ކޮށްފައިވެއެވެ.

އިޒްރާއިލް ސިފައިން ދަނީ ޖަބަލިއްޔާއަށް ދެމުންދާ ހަމަލާތައް ހުއްޓުމެއް ނެތި ދެމުންނެވެ. އަދި އެތަނުގައި ތިބި އާއިލާތައް އެތަނުން ނެރުމަށް ލީތަލް ފޯސް ބޭނުން ކުރަމުންދާ ކަމަށް އަލްޖަޒީރާގައި ބުނެފައިވެއެވެ.

ކަމާލް އަދުވަން ހޮސްޕިޓަލުގެ ޑިރެކްޓަރު އަލްޖަޒީރާއަށް ބުނެފައިވަނީ އެތަނުގެ މުވައްޒަފުންނަށް މަސައްކަތްކުރުމަށް ނުކުޅެދޭވަރަށް އެހޮސްޕިޓަލުގެ މެޑިކަލް އިކުއިޕްމެންޓް ތަކަށް ގެއްލުންވެފައިވާ ކަމަށެވެ. އަދި ފަރުވާދެވޭނެ ފަދައެއް މިހާރު އެތަނުގައި ނެތިފައިވާކަމަށެވެ. 

ކަމަލް އަދްވަން ހޮސްޕިޓަލަކީ ޣައްޒާގެ އުތުރުގައި ހުންނަ ހޮސްޕިޓަލެކެވެ. ކަމަލް އަދްވަން ހޮސްޕިޓަލުގެ އިތުރުން ޣައްޒާގެ އުތުރުގައި ހުންނަ އިންދޮނީސީ ހޮސްޕިޓަލާއި އަލް އައުދާ ހޮސްޕިޓަލުގެ ވެސް މެޑިކަލް ފެސިލިޓީތައް ހުސްވަމުންދާ ކަމުގެ ރިޕޯތުތައް އަންނަނީ ލިބެމުންނެވެ. 

މި ލިޔުން ކިޔާލުމުން

Ads by MSS