ފަޅުރަށްހޯދުމަށް ހުށައެޅި ކައުންސިލްތަކުގެ ޕްރޮޕޯސަލްތައް އިވެލުއޭޓް ކުރަން ފަށައިފި!

ކައުންސިލްތައް މާލީ ގޮތުން ބާރުވެރިކުރުވުމަށް ކައުންސިލްތަކަށް ފަޅުރަށްތައް ހޯދުމަށް އެދި ކައުންސިލްތަކުގެ ޕްރޮޕޯސަލްތައް އިވެލުއޭޓް ކުރަން ފަށައިފައިވާ ކަމަށް ސިޓީތަކާއި، އިދާރީ ދާއިރާތައް ހިންގުމާއި އާންމު މަސައްކަތްތަކާއި ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ. 

ވަޒީރު އާދަމް ޝަރީފް ޢުމަރު އެކްސްގައި ކުރެއްވެވި ޕޯސްޓެއްގައި ވިދާޅުވީ ކައުންސިލްތައް މާލީގޮތުން ބާރުވެރިކުރުވައި، ރައްޔިތުންނަށް ނަފާ ލިބޭނެ ގޮތަކަށް، ރަށްރަށަށް ފަޅުރަށެއް ލިބޭނެ ނިޒާމެއް ގާއިމް ކުރައްވާނެ ކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވެވަޑައިގެންނެވި ވަޢުދުގެ ދަށުން ފަޅުރަށް ހޯދުމަށް ހުށައަޅައިފައިވާ ޕްރޮޕޯސަލްތައް އިވެލުއޭޓް ކުރަން ފަށައިފައިވާ ކަމަށެވެ.

އިވެލުއޭޓް ކުރާނީ އެކަމަށް ސަރުކާރުން އައްޔަނުކޮށްފައިވާ ޚާއްސަ ކޮމިޓީއަކުން 

ވަޒީރު އާދަމް ޝަރީފް ޢުމަރު ވިދާޅުވެފައިވެއެވެ.

އެމަނިކުފާނު އިތުރަށް ވިދާޅުވެފައިވަނީ މިހަފުތާގައި އިވެލުއޭޝަން ނިމޭނެ ކަމަށް އުއްމީދު ކުރެވޭ ކަމަށެވެ. 

Council thah maaleegothun baaruverikuruvai, rayyithunnah nafaa libeyne gothakah, rahrashah falhurasheh libeyne nizaameh qaaimu kuravvaane kamah RJ @MMuizzu vevadaigennevi vaudhuge dhashun falhurah hoadhumah hushahalhaafaivaa falhurahthakuge proposals evaluate kurumuge masakkaiy… pic.twitter.com/mE0fGKoEJL

— Adam Shareef Umar (@Adamshareefz) October 21, 2024

މީގެކުރިން އާދަމް ޝަރީފް ޢުމަރު ކުރެއްވެވި ޕޯސްޓެއްގައި ވިދާޅުވެފައިވަނީ، ލާމަރުކަޒީ ނިޒާމު ހަރުދަނާ ކުރެއްވުމަށް ރައީސުލްޖުމްހޫރިއްޔާ ޑރ. މުޢިއްޒު ވަރަށް ބޮޑު އިސްކަމެއް ދެއްވާ ކަމަށެވެ. އަދި ތަފާތު ކުރުމެއް ނެތި މި ސަރުކާރުން ހުރިހާ ކައުންސިލްތަކަށް ފުރިހަމަ އެއްބާރުލުން ދީ، ކައުންސިލްތަކުގެ ޤާނޫނީ ޒިންމާ އަދާކުރުމުގެ މަގު ފަހިކޮށްދޭކަން މީޑިއާގައި ހާމަވަމުންދާ ކަމަށެވެ.