ލުބްނާނުން އިޒްރާއިލަށް އަމާޒުކޮށް ގިނަ ޢަދަދެއްގެ ރޮކެޓް ފޮނުވާލައިފި!

ލުބްނާނުން އިޒްރާއިލަށް އަމާޒުކޮށް ތިރީހަކަށް ރޮކެޓް މިއަދުގެ މެންދުރުފަހުން ފޮނުވާލައިފައިވާކަމަށް އިޒްރާއިލުގެ ޢަސްކަރިއްޔާއިން ބުނެފިއެވެ. 

އިޒްރާއިލުގެ ޢަސްކަރިއްޔާއިން ބުނެފައިވަނީ ޖަލީލުލްއަޢްލާ އަދި ޖަލީލުލްއަސްފަލް އޭރިއާއިން މިސައިލްގެ ސައިރިންގެ އަޑުތައް އިވިފައިވާކަމަށެވެ. 

އިޒްރާއިލްގެ ޢަސްކަރިއްޔާއިން ބުނެފައިވަނީ ލުބްނާނުން ފޮނުވާލި ބައެއް ރޮކެޓްތައް ހުއްޓުވިފައިވާކަމަށެވެ. އަދި ބައެއް ރޮކެޓްތައް ހުސްބިންތަކަށް ވެއްޓިފައިވާ ކަމަށެވެ. އިޒްރާއިލް ޢަސްކަރިއްޔާއިން ބުނެފައިވަނީ މިހަމަލާތަކުގައި އެއްވެސް މީހަކަށް އަނިޔާއެއް ވެފައިނުވާކަމަށެވެ. 

ލުބްނާނުން ދިން ހަމަލާތަކުގައި އިޒްރާއިލުގެ މީހަކު މަރުވެފައި ނުވިޔަސް މިއަދު ޣައްޒާގެ ޖަބަލިއްޔާގައި އިޒްރާއިލް ޢަސްކަރިއްޔާގެ ޓޭންކް ކޮމާންޑަރެއް ވަނީ މަރާލައިފައެެވެ. 

އަހްސަން ދަކްސާ ނަމަކަށްކިޔާ އިޒްރާއީލުގެ 401 ވަނަ އާމަރޑް ބްރިގޭޑްގެ ކޮމާންޑަރު މަރުވީ ޣައްޒާގެ އުތުރުގެ ޖަބަލިއްޔާގައި ހިންގި އޮޕަރޭޝަންތަކުގެ ތެރޭގައި ގޮވާ އެއްޗެއް ޓޭންކެއްގައި ޖެހިގެންނެވެ. އިޒްރާއީލުގެ އަސްކަރީ ތަރުޖަމާނު ޑޭނިއަލް ހަގާރީ މިކަމާއި ގުޅިިގެން ބުނެފައިވަނީ އިޒްރާއީލުގެ އިތުރު ދެ ސިފައިންނަށް ވެސް އެގޮވުމުގެ ސަބަބުން އަނިޔާވެފައިވާ ކަމަށެވެ. 

ޑްރޫޒް ކޮމިއުނިޓީގެ މެމްބަރެއް ކަމަށްވާ ޑަކްސާ، އަކީ އަހަރެއްހާ ދުވަހު ހިންގި ޣައްޒާ ޤަތުލްޢާންމުގައި މަރުވި އިސްރާއީލުގެ ސިފައިންގެ އެންމެ އިސް އެއް ކޮމާންޑަރެވެ.