ޓެކްސް ޓްރައިބިޔުނަލްގެ މެމްބަރުކަމަށް ކުރިމަތިލި ބޭފުޅުންގެ ނަންތައް ކޮމިޓީއަށް!

ޓެކްސް އެޕީލް ޓްރައިބިޔުނަލްގެ މެމްބަރުކަމަށް ކުރިމަތިލި 13 ބޭފުޅުންގެ ނަން ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް މިއަދު ފޮނުވައިފިއެވެ.

ޓެކްސް އެޕީލް ޓަރައިބިޔުނަލްގެ މަޤާމުތަކެއް ހުސްވުމުން އެމަޤާމުތަކަށް ކުރިމަތިލުމަށް ރައީސް އޮފީހުން ހުޅުވާލުމުން ކުރިމަތިލި 13 ބޭފުޅެއްގެ ނަން މަޖިލީހަށް ފޮނުއްވެވީ ރައީސުލްޖުމްހޫރިއްޔާ ޑރ މުޙައްމަދު މުއިއްޒެވެ. 

ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް ފޮނުވައިފައިވާ ނަންތަކަކީ:-

1. ޙަސަން ޒުހައިރު މުޙައްމަދު، ގ. މާވަރުލު
2. ޢައިޝަތު އާދަމް، ރިވެލި/ ރ. އަލިފުށި
3. އިބްރާހިމް ޝަރީފް، ގ. އަލްޝާ
4. ޝިފްޒާ ޢަބްދުލްޤައްޔޫމް، ގަސްދޮށުގެ/ ގއ. ނިލަންދޫ
5. އަޙްމަދު ސަޢީދު، މ. ފަތްކޯޅި (ހުޅަނގުބައި)
6. ޢަބްދުالله ޢަބްދުލްޙަކީމް އަޒާން ޕެލަސް/ ޅ. ނައިފަރު
7. މުޙައްމަދު އަމީން ޒާހިރު، ނީލާ/ ސ. ހިތަދޫ
8. މުޙައްމަދު ފާރިސް ޠާހާ، ހ. ސޯސަން
9. ޢަބްދުލް ޣަނީ މުޙައްމަދު، ހ. ހޯސްސައިޑް
10. އަޙްމަދު އަލީ، ހުޅުމާލެ ފްލެޓް 1-ޖީ-108
11. ޢަލީ ރިޒާ އިސްމާޢީލް، ހުޅުމާލެ ހިޔާ 2-13-3
12. ފާތިމަތު ޝަފީނާޒް، ހުޅުމާލެ ގޯތި 11،021
13. މަޖީދު ޢަލީ، މަތަރެސްމާގެ/ ގއ. ދާންދޫ

މަޖިލީހުގެ މިއަދުގެ ޖަލްސާގައިވަނީ، ޓެކްސް އެޕީލް ޓްރައިބިޔުނަލްގެ މެމްބަރުކަމަށް ކުރިމަތިލާން އާންމުކޮށް ހުޅުވައިލުމުން ކުރިމަތި ލެއްވި 13 ބޭފުޅުންގެ ނަމާއެކު ރައީސް މުޢިއްޒު ފޮނުއްވި ސިޓީ އިއްވާފައެވެ.

މި ބޭފުޅުންގެ ތެރެއިން ހަތަރު ބޭފުޅަކު ކަނޑައަޅުއްވައިދެއްވުމަށް ރައީސްގެ ސިޓީގައި ވަނީ އެދިވަޑައިގެންފައެވެ.

ޓެކްސް އެޕީލް ޓްރައިބިއުނަލްގެ މައްސަލަތަކެއް ބެލުމަށް ފަހު މަޖިލީހުގެ ޖުޑިޝަރީ ކޮމިޓީން، ޓްރައިބިއުނަލްގެ މެންބަރު އިސްމާޢީލް ސާޖިދު ފިޔަވައި ބާކީ ތިއްބެވި ހަތަރު މެމްބަރުން މަޤާމުން ވަކިކުރާން ރައީސް މުޢިއްޒަށް ލަފާ އެރުވުމުން އެ މެންބަރުން ވަކިކުރެއްވީ އޯގަސްޓު މަހުގެ 26ވަނަ ދުވަހުއެވެ.

އޭނާ ވަކި ނުކުރީ އެ މައްސަލަ ކޮމެޓީގެ ސަމާލުކަމަށް ގެނައުމުގައި އޭނާގެ ހެޔޮ ނިޔަތް އޮތް ކަމަށް ބެލެވޭތީ ކަމުގައި ކޮމިޓީން ބުނެފައިވެއެވެ.

އެ ޓްރައިބިޔުނަލުން ވަކިކޮށްފައިވަނީ:

• ޓެކްސް އެޕީލް ޓްރައިބިއުނަލްގެ ރައީސް މުޙައްމަދު މުނައްވަރު ޢަލީ
• ޓެކްސް އެޕީލް ޓްރައިބިއުނަލްގެ ނައިބު ރައީސް ޙުސެއިން ޒައިދާން ޖަލީލް
• ޓެކްސް އެޕީލް ޓްރައިބިއުނަލްގެ މެންބަރު ޚަދީޖާ ނައީމް
• ޓެކްސް އެޕީލް ޓްރައިބިއުނަލްގެ މެންބަރު އަޙްމަދު އަޝްރަފް