ފުވައްމުލަކުގައި ހިނގި އެކްސިޑެންޓެއްގައި 17 އަހަރުގެ ކުއްޖަކު ނިޔާވެއްޖެ

ފުވައްމުލަކުގައި ރޭ ހިނގި ނުރައްކާތެރި އެކްސިޑެންޓެއްގައި 17 އަހަރުގެ ޒުވާނަކު ނިޔާވެއްޖެއެވެ.

މި ހާދިސާއާ ގުޅޭ މަޢުލޫމާތު ޙިއްސާ ކުރަމުން ދިވެހި ފުލުހުންގެ ޚިދުމަތުން ބުނީ، މި އެކްސިޑެންޓު ހިނގާފައި ވަނީ ރޭ ދަންވަރު 2:40 ހާއިރު، އެ ރަށުގެ ފުނާޑު އަވަށުގައި ކަމަށެވެ. 

މި ހާދިސާގައި އިތުރު ވެހިކަލެއް ނުހިމެނެއެވެ. އެކްސިޑެންޓު ހިނގީ، ނިޔާވި ކުއްޖާ ހުސްނުހީނާ މަގުން ދުއްވާފައި ދަނިކޮށް ސައިކަލު ފާރުގައި ޖެހުމަށްފަހު، ކޮންޓްރޯލް ނުވެގެން ގޮސް އެ ސަރަޙައްދުގައި ހުރި މަގުބައްތީގެ ހޮޅިދަނޑީގައި ޖެހިގެންނެވެ. 

ފުލުހުން ހާމަކޮށްފައިވާ ގޮތުގައި އެ ކުއްޖާ ނިޔާވީ ހޮސްޕިޓަލަށް ގެންގޮސް ފަރުވާދެމުން ދަނިކޮށް، ރޭ މެންދަމުން އަލިވެ 3:40 ހާއިރެވެ.