ނޮވެމްބަރު 17 އިން ފެށިގެން މިއަހަރުގެ މިހާތަނަށް 328 މިލިއަން ރުފިޔާގެ ޑްރަގާއި ރާ އަތުލައިގަނެވިފައިވާނެ!

ނޮވެމްބަރު 17 އިން ފެށިގެން މިއަހަރުގެ މިހާތަނަށް 328 މިލިއަން ރުފިޔާގެ ޑްރަގާއި ރާ އަތުލައިގަނެވިފައިވާނެ ކަމަށް ދާޚިލީ ސަލާމަތާއި ފަންނިއްޔާތާއި ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. 

މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިންނާއި ވާހަކަފުޅު ދައްކަވަމުން ވަޒީރު އިޙްސާން ވިދާޅުވީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ހަވާލުކުރައްވައިގެން އެވުޒާރާއިން އެޑެންޓު ވަމުންދާ އެއްކަމަކީ ރާއްޖޭގައި ގޭންގު ހަދައިގެން ކުރާކުށްތައް ހުއްޓުވުމާއި މަސްތުވާތަކެއްޗާއި ރަލުގެ ވިޔަފާރި ފުޅާދާއިރާއެއްގައި ކޮށް ރާއްޖޭގެ ޒުވާނުން މަސްތުގައި ޖައްސާފައިވާ މައްސަލަ އަށް ދާއިމީ ހައްލެއް ހޯދުން ކަމަށެވެ. އެގޮތުން އެމަސައްކަތުުގެ ތެރެއިން މަސްތުވާތަކެއްޗާއި ރާ ދައުރުވުން ކުޑަ ކުރުމަށް މަސައްކަތް ތަކެއް ކުރެވޭ ކަމަށް ވިދާޅުވިއެވެ.

މިކަމުގަ، ޚާއްސަކޮށް ސަަޕްލައި ރިޑަކްޝަންއަށް ބަލާއިރުގައި މިހާތަނަށް އަޅުގަނޑުމެން ވާނެ ރަލާއި ޑްރަގާއި އެއްކޮށް މިއަދާ ހިސާބަށް 17 ނޮވެމްބަރުން ފެށިގެން 328 މިލިއަން ރުފިޔާގެ ޑްރަގާއި ރާ ހިފަހައްޓާފަ

ވަޒީރު އިޙްސާން ވިދާޅުވިއެވެ.

އަދި މިކަމުން ރާއްޖޭގައި މިކަން ފެތުރިގެން ގޮސްފައިވާ މިންވަރުކަމަށް ވަޒީރު ވިދާޅުވިއެވެ.  

އަޅުގަނޑުމެން މިޓާގެޓް ކުރަނީ ރައީސުލްޖުމްހޫރިއްޔާގެ މިދައުރު ތެރޭގައި އިރާދަކުރައްވައިގެން މިމައްސަލައަށް ދާއިމީ ހައްލެއް ހޯދާނެ ކަމަށް 

ވަޒީރު އިޙްސާން ވިދާޅުވިއެވެ.

ގޭންގާއި ޑްރަގް މައްސަލާގައި ދާއިމީ ހައްލާ ދިމާއަށް ދިއުމަށް މަސައްކަތްކުރާއިރު ގެންނަން ބޭނުންވާ އެންމެ ބޮޑު ބަދަލަކީ މިހާރު އޮތް ދެޤާނޫނަށް ގެންނަން ބޭނުންވާ އިސްލާޙުތައް ކަމަށާއި، އެއިސްލާޙުތައް ޑްރާފްޓު ކުރެވި އެޓާނީ ޖެނެރަލް އޮފީހަށް މިހާރު ފޮނުވައިފައިވާނެ ކަމަށް ދާޚިލީ ވަޒީރު އިޙްސާން ވިދާޅުވިއެވެ.  

މަޖިލީހުގެ މިދައުރުތެރޭގައި އެބިލްތައް ޤާނޫނަކަށް ވެގެން ޢަމަލު ކުރެވޭވަރަށް އެއޮފީހުން މަސައްކަތް ކޮށްދެއްވާނެ ކަމަށް އޭޖީ އޮފީހުން ބުނެފައިވާ ކަމަށްވެސް އެމަނިކުފާނު ވިދާޅުވިއެވެ.