ރާއްޖޭގައި މަރުގެ ޙުކުމް ތަންފީޒުކުރުމަށް ދަނީ ތައްޔާރުވަމުން ކަމަށް ވަޒީރު އިޙްސާން ވިދާޅުވެއްޖެ!

ރާއްޖޭގައި މަރުގެ ޙުކުމް ތަންފީޒުކުރުމަށް ދަނީ ތައްޔާރުވަމުން ކަމަށް ދާޚިލީ ސަލާމަތާއި ފަންނިއްޔާތާއި ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. 

ރައީސް އޮފީހުގައި މިއަދު ކުރިއަށް ދިޔަ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ވިދާޅުވީ 

"މަރުގެ ޙުކުމް ތަންފީޒު ކުރުމާ ގުޅޭގޮތުން ކުރަން ޖެހޭ ކަންކަމާއި ބަލަންޖެހޭ ކަންކަން ބަލާފައި ރާއްޖޭގެ ޤާނޫނާއި އިމުގެ ތެރެއިން އެކަން ކުރާނެކަމަށްވެސް މިދިޔަ ޑިސެމްބަރު މަހުގެ ތެރޭގައި ވަޒީރު އިޙްސާން ވިދާޅުވެފައިވެއެވެ. 

ރައީސް އޮފީހުގައި ކުރިއަށްދިޔަ ނޫސްވެރިންގެ ބައްދަލުވުމުގައި އިޙްސާން ވިދާޅުވީ، ރާއްޖެއަކީ އިސްލާމީ ޤައުމެއްކަމާއި، ރާއްޖޭގައި ކަނޑައެޅޭ ހުކުމްތައް އިސްލާމް ދީނުގައި އޮންނަ ގޮތަށް ތަންފީޒު ކުރާނެ ކަން ރާއްޖޭގެ ހިއުމަން ރަައިޓްސް ރިވިއުގައިވެސް އަންގާފައިވާނެ ކަމަށެެވެ.

މިގޮތުން މަރުގެ ޙުކުމް ތަންފީޒު ކުރުމަށްޓަކައި، ބަލަން ޖެހޭ ހުރިހާ މިންގަނޑުތަކެއް ހުންނައިރު، އޭގެ ތެރޭގައި އެ މީހާ ކޯޓުން ގޮސް، އެެ އޮންނަ ހުރިހާ މަރުހަލާއެއް ނިމި، އެ މީހާއަށް ދެވޭ އަދަބަކީ އިޔާދަ ނުކުރެވޭ އަދަބަަކަށްވާތީ، އެ ހުރިހާ މިންގަނޑަކުން ބަލަން ޖެހޭ ހުރިހާ ކަމެއް ނިމި ކަނޑައެޅޭ އުސޫލެއްގެ ދަށުން އެކަން ކުރާނެ ކަމަށް ވަޒީރު ވިދާޅުވިއެވެ.

"އަޅުގަނޑުމެން މިހާރު ހުރިހާ ކަންތައްތަކެއް ނިމި، އަޅުގަނޑު ހަނދާންވާ ގޮތުން ނަމަ، ސުވާލު ނުއުފެދޭ މިންވަރަށް ދެ މީހެއްގެ މައްސަލަ އެބަ އުޅޭ، އަނެއް ބައި މީހުންގެ ކޮންމެވެސް ވަރެއްގެ ލީގަލް ގްރައުންޑްތަކެއް ނަގާފައި އެބަ ހުރި އެކިއެކި ތަންތަނުގައި،". ވަޒީރު ވިދާޅުވިއެވެ.

ވަޒީރު އިޙްސާން ވިދާޅުވީ ދެން އޮތީ ތަންފީޒީ މަރުހަލާ ކަމަށާއި، އެއަށް ހަދަން ޖެހޭ އުސޫލުތަކާއި ޤަވާއިދުތައް ހަދައި، ތަން ތައްޔާރުކޮށް، މީހުންވެސް ތަމްރީނު ކުރަމުންދާ ކަމަށެވެ.

"އަޅުގަނޑަށް ޔަގީންކަން ދޭން ކެރިދާނެ، މިހާރު އިއުލާން ކުރައްވާފައިވާ ގޮތަށް، އެކަން ކުރާނެ ރާއްޖޭގައި،". އޭނާ ވިދާޅުވިއެވެ.

ރާއްޖޭގެ ސްޕްރީމް ކޯޓުން މަރުގެ ޙުކުމް އިއްވާފައިވާ ފަސް މީހުން ތިބިއިރު ރާއްޖެގައި އެޙުކުމް ތަންފީޒު ނުކުރާތީ އެ މީހުން ތިބީ މުޅި އުމުރު ދުވަހަށް ޖަލުގައި ބަންދުކޮށްފައެވެ.