ކުޑަކުދިންގެ ހިތްތަކަށް ޓިކްޓޮކްގެ ބޭއަދަބީ ވާހަކަތަކުގެ ނުރައްކާ

ފެހި ގަސްތަކުގެ ތެރެއިން ފޯދިގެން އަންނަ ކުޑަކުދިންނަކީ މުޖުތަމަޢުގެ ނާޒުކު މާތަކެވެ. އެ މާތައް ރީތިކޮށް ފޯދި، ޢިއްޒަތްތެރި ބަގީޗާއަކަށް ހެދުމަކީ އަޅުގަނޑުމެން އެންމެންގެ ޒިންމާއެކެވެ. ނަމަވެސް، މިއަދު އަޅުގަނޑުމެންގެ މުޖުތަމަޢުގައި ފެންނަމުންދާ ބައެއް މަންޒަރުތަކަކީ މި ނާޒުކު މާތަކަށް ނޭދެވޭ އަސަރުކޮށްފާނެ ކަންތައްތަކެވެ.

ޓިކްޓޮކް ފަދަ އިޖުތިމާޢީ ވިއުގަތަކުގައި، ކުޑަކުދިން ބައިތިއްބައިގެން ބޭއަދަބީ ވާހަކަތައް ދެއްކުމަކީ މިހާރު އާންމުވެފައިވާ ކަމެކެވެ. މިއީ ޙަޤީޤަތުގައި ކުޑަކުދިންގެ ސާފު ހިތްތަކަށް އަޅާ ވިހައެވެ. މި ވިހައިގެ އަސަރު އެ  މައުސޫމު ކުދިންގެ ހިތްތަކުގައި ޖެހި، އެ ކުދިންގެ އަޚްލާޤާއި ސުލޫކަށް ނޭދެވޭ އަސަރުކުރުމަކީ އެކަށީގެންވާ ކަމެކެވެ.

އިސްލާމްދީނުގައި ކުޑަކުދިންނާމެދު ޢަމަލުކުރަން އަންގަވާފައިވަނީ ވަރަށް މަތިވެރި ގޮތަކަށެވެ. ކީރިތި ރަސޫލާ ޞައްލަﷲ ޢަލައިހި ވަސައްލަމް ޙަދީޘް ކުރައްވާފައިވެއެވެ: "ތިޔަބައިމީހުންގެ ތެރެއިން އެންމެ ހެޔޮވެގެންވަނީ އޭނާގެ އަހުލުވެރިންނަށް އެންމެ ހެޔޮކޮށް ހިތާ މީހާއެވެ." މިއިން އަޅުގަނޑުމެންނަށް އެނގެނީ ކުޑަކުދިންނާމެދު ރަނގަޅަށް ޢަމަލުކުރުމުގެ މުހިންމުކަމެވެ.

މުސްތަޤުބަލުގެ ޖީލު ބިނާކުރުމުގައި މައިންބަފައިންނާއި މުޖުތަމަޢުގެ ދައުރު ވަރަށް މުހިންމެވެ. އަޅުގަނޑުމެން އެންމެން މިކަމާމެދު ވިސްނައި، މި ނޭދެވޭ ޢަމަލުތަކުން ދުރުހެލިވާން ޖެހެއެވެ. ކުޑަކުދިންގެ ކުރިމަތީގައި ބޭއަދަބީ ބަސްތައް ބޭނުންކުރުމުގެ ބަދަލުގައި، އެ ކުދިންނަށް ރަނގަޅު ނަމޫނާއެއް ދެއްކުމަކީ އަޅުގަނޑުމެންގެ ޒިންމާއެކެވެ.

މިކަން ރަނގަޅުކުރުމަށްޓަކައި، އަޅުގަނޑުމެން އެންމެން އެއްބައިވެ މަސައްކަތްކުރަން ޖެހެއެވެ. މައިންބަފައިން އެމީހުންގެ ދަރިންނާއެކު ހޭދަކުރާ ވަގުތު އިތުރުކޮށް، ރަނގަޅު އަޚްލާޤީ ތަރުބިއްޔަތެއް ދޭން ޖެހެއެވެ. ސްކޫލްތަކުން ކުދިންނަށް އިޖުތިމާޢީ ވިއުގަތައް ރަނގަޅު ގޮތުގައި ބޭނުންކުރާނެ ގޮތުގެ މަޢުލޫމާތު ދޭންވާނެއެވެ. އަދި މުޖުތަމަޢުގެ ކޮންމެ ފަރުދަކުވެސް މިފަދަ ނޭދެވޭ ޢަމަލުތައް ދެކޭ ހިނދު، އެކަން ހުއްޓުވުމަށް މަސައްކަތްކުރަންވާނެއެވެ.

ކުޑަކުދިންނަކީ މާދަމާގެ ޤައުމު ބިނާކުރާނެ ބިންގަލެވެ. އެ ބިންގާ ވަރުގަދަކުރުމަކީ އަޅުގަނޑުމެން އެންމެންގެ ޒިންމާއެކެވެ. އެހެންކަމުން، އަޅުގަނޑުމެން ކޮންމެ މީހަކުވެސް އަމިއްލަ ނަފްސާ ސުވާލުކުރަން ޖެހެއެވެ. "އަހަރެންގެ ޢަމަލުތަކުން ކުޑަކުދިންނަށް ކޮން އަސަރެއްތޯ ކުރަނީ؟" މިއީ އަޅުގަނޑުމެން އަބަދުވެސް ހަނދާންކުރަންވީ ސުވާލެކެވެ.

ޓިކްޓޮކް ފް ފަދަ ތަންތަނުގައި ކުޑަކުދިން ބައިތިއްބައިގެން ބޭއަދަބީ ވާހަކަތައް ދެއްކުމަކީ ހަމައެކަނި އެ ކުދިންނަށް އަސަރުކުރާ ކަމެއް ނޫނެވެ. އެއީ މުޅި މުޖުތަމަޢުގެ ސަގާފަތާއި އަޚްލާޤަށް ކުރާ ނޭދެވޭ އަސަރެކެވެ. މިއީ ކުޑަކުޑަ ކަމެއްގެ ގޮތުގައި ދެކިގެން ނުވާނެއެވެ. ކުޑަކުޑަ ފަންގިވިލާއަކުން ފެށިގެން ބޮޑު އަލިފާންގަނޑެއް ރޯވެދާނެ ފަދައިން، މިފަދަ ކުދިކުދި ކަންތައްތަކުން މުޅި މުޖުތަމަޢުގެ އަޚްލާޤީ ފެންވަރު ދަށަށް ދިއުމަކީ އެކަށީގެންވާ ކަމެކެވެ.ސްކޫލް މާހައުލުގައި އެކުދިންނާއި އެހެންކުދިން ބައްދަލުވެ ވާހަކަ ދެކެވި ފެންނަ ކަންކަމާއި އިވޭ އަޑުތައް ހިއްސާކުރާނެއެވެ. 

އަޅުގަނޑުމެންގެ ކާބަފައިން އަޅުގަނޑުމެންނަށް ދަސްކޮށްދީފައިވާ މާތް އަޚްލާޤާއި ރިވެތި އާދަކާދަތައް ދިރުވައި އާލާކުރުމަކީ މިއަދުގެ ޖީލުގެ ޒިންމާއެކެވެ. ކުޑަކުދިންނަށް ރަނގަޅު ނަމޫނާއެއް ދެއްކުމަކީ ކޮންމެ ބޮޑު މީހެއްގެވެސް ވާޖިބެކެވެ. އަޅުގަނޑުމެންގެ ބަހާއި ޢަމަލުން ކުޑަކުދިންނަށް ރަނގަޅު މިސާލެއް ދައްކަމާ ހިންގަވާށެވެ.

މި މައްސަލަ ޙައްލުކުރުމަށް، އަޅުގަނޑުމެން އެންމެން އެކުގައި މަސައްކަތްކުރަން ޖެހެއެވެ. މައިންބަފައިން އެމީހުންގެ ދަރިންނާ ގާތުން މުޢާމަލާތްކޮށް، އެކުދިންގެ އިންޓަރނެޓް ބޭނުންކުރުމުގެ އާދަތައް ބަލަހައްޓަން ޖެހެއެވެ. ސަރުކާރުންވެސް މިފަދަ ނޭދެވޭ މައްސަލަތައް ކޮންޓްރޯލްކުރުމަށް ޤާނޫނީ އޮނިގަނޑެއް އެކުލަވާލަން ޖެހެއެވެ. އަދި މުޖުތަމަޢުގެ ކޮންމެ ފަރުދަކުވެސް މިފަދަ ނޭދެވޭ ޢަމަލުތަކާ ދެކޮޅަށް އަޑުއުފުލަން ޖެހެއެވެ.

ނިންމާލަމުން ދަންނަވާނީ، ކުޑަކުދިންނަކީ އަޅުގަނޑުމެންގެ މުސްތަޤުބަލެވެ. އެކުދިންގެ ހިތްތަކުގައި ހެޔޮ ސިފަތައް އިންދައި، ރަނގަޅު ތަރުބިއްޔަތެއް ދިނުމަކީ އަޅުގަނޑުމެން އެންމެންގެ ޒިންމާއެކެވެ. އަޅުގަނޑުމެންގެ ޢަމަލުތަކުން ކުޑަކުދިންނަށް ރަނގަޅު ނަމޫނާއެއް ދައްކަމާ ހިންގަވާށެވެ. އޭރުން، އިރާދަކުރެއްވިއްޔާ، އަޅުގަނޑުމެންގެ މުޖުތަމަޢުަޢު ވާނީ ފަޚުރުވެރި، ރީތި ބަގީޗާއަކަށެވެ. އެ ބަގީޗާގައި ކުޑަކުދިންގެ ހިތްތައް ފޯދި، ރީތި މާތަކަށްވެ، މުޅި ޤައުމަށް މީރުވަސްދުވާނެއެވެ.