ޚަބަރު
8 އަހަރުގެ ފިރިހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މީހަކު ހައްޔަރުކޮށްފި
ކުޑަކުދިންނަށް ޖިންސީގޯނާކުރުމުގެ މައްސަލް ފޮޓޯ:އިންޓަރނެޓް
ދެކުނު ޕޮލިސް ސަރވިސްގެ ދާއިރާގައި ހިމެނޭ ރަށެއްގައި 8 އަހަރުގެ ފިރިހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ފުލުހުންނަށް ރިޕޯޓުކޮށްފިއެވެ. މި މައްސަލަ ރިޕޯޓުކޮށްފައިވަނީ އޮކްޓޯބަރ 22 ވަނަ ދުވަހުއެވެ.
މި މައްސަލައާ ގުޅިގެން 26 އަހަރުގެ ބިދޭސީ ފިރިހެނަކު ކޯޓު އަމުރެއްގެ ދަށުން އިއްޔެ ވަނީ ހައްޔަރުކޮށްފައެވެ. ފުލުހުން މިހާރު ގެންދަނީ މި މައްސަލައިގެ ތަހުގީގު ކުރަމުންނެވެ.
ކުޑަކުދިންނާ ގުޅޭ މައްސަލަތަކަކީ ވަރަށް ސީރިއަސް މައްސަލަތަކަކަށް ވާތީ، ކުއްޖާގެ އައިޑެންޓިޓީ ރައްކާތެރިކުރުމުގެ ގޮތުން ޕޮލިސް ސަރވިސްއިން ކުއްޖާގެ އަތޮޅާއި ރަށް ހާމަނުކުރަން ނިންމާފައިވާ ކަމަށް ފުލުހުން މަޢުލޫމާތު ދެއްވިއެވެ.
މިފަދަ މައްސަލަތަކުގައި ކުޑަކުދިންގެ ރައްކާތެރިކަމަށް އިސްކަންދޭންޖެހޭ ކަމަށާއި، މިފަދަ ހާދިސާތައް ހުއްޓުވުމަށް މުޖުތަމަޢުގެ ހުރިހާ ފަރާތްތަކުން މަސައްކަތްކުރަންޖެހޭ ކަމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.
