ވަޒީރު ކަމަށް ދާދި ފަހުން ރައީސް މުއިއްޒު އައްޔަނު ކުރެއްވި ތިން ބޭފުޅުންނަށް ރުހުން ދިނުމަށް މަޖިލީހުގެ ކޮމިޓީއިން ފާސްކޮށްފި!

ވަޒީރު ކަމަށް ދާދި ފަހުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އައްޔަނު ކުރެއްވެވި ތިން ބޭފުޅުންނަށް ރުހުން ދިނުމަށް ރައްޔިތުންގެ މަޖިލީހުގެ ސަރުކާރުގެ މަސްޢޫލިއްޔަތު އަދާކުރާ މިންވަރު ބަލާ ކޮމިޓީއިން ފާސްކޮށްފިއެވެ. 

ރައްޔިތުންގެ މަޖިލީހުގެ ކޮމިޓީއިން ފާސްކޮށްފައިވަނީ ޚާރިޖީ ވުޒާރާއަށް އައްޔަން ކުރެއްވި ޑރ. އަބްދުﷲ ހަލީލާއި މާލީ ވުޒާރާއަށް އައްޔަން ކުރެއްވި މޫސާ ޒަމީރާއި ޞިއްޙީ ވުޒާރާ އަށް އައްޔަން ކުރެއްވި ޢަބްދުﷲ ނާޒިމަށް ރުހުން ދިނުމަށެވެ. 

ރައީސް ޑރ މުއިއްޒު، އެމަނިކުފާނުގެ ކެބިނެޓަށް ބަދަލު ގެންނެވީ މިދިޔަ މަހުގެ 30 ވަނަ ދުވަހުއެވެ. އަދި ތިން ވަޒީރުންނަށް ރުހުން ދިނުމުގެ މައްސަލަ ދިރާސާ ކުރުމަށް ކޮމިޓީއަށް ފޮނުވާފައި ވަނީ މި މަހު 14 ވަނަ ދުވަހުއެވެ.

މި ބޭފުޅުންނަށް ރުހުން ދިނުމަށް ފާސްކޮށްފައިވަނީ ކޮމެޓީގައި ބައިވެރިވެވަޑައިގެންނެވި ހަތް މެމްބަރުންގެ އިއްތިފާޤުންނެވެ. އަދި މި ތިން މެމްބަރުންނަކީވެސް މީގެ ކުރިންވެސް ވަޒީރުކަން ކުރައްވާފައިވާ ޤާބިލް ބޭފުޅުންކަން ފާހަގަކޮށްލަންޖެހެއެވެ.