ޤަވާޢިދާ ޚިލާފަށް ރާއްޖޭގެ އިމަށް ވަދެ އުޅުނު މަސްބޯޓެއް ހިފަހައްޓައިފި

ޤަވާޢިދާ ޚިލާފަށް ދިވެހިރާއްޖޭގެ ޚާއްޞަ އިޤުތިޞާދީ ސަރަޙައްދަށް ވަދެ އުޅުނު ބޭރުގެ މަސްބޯޓެއް ހިފަހައްޓައިފިއެވެ. އެމް.އެން.ޑީ.އެފް. އިން ހާމަކޮށްފައިވާ ގޮތުގައި، މި ބޯޓު ފެނިފައިވަނީ ކ. ދިއްފުއްޓާ ދިމާ އިރުމަތިންނެވެ. އެމް.އެން.ޑީ.އެފް. އިން ޢާންމުކޮށްފައިވާ ފޮޓޯ އިން ފެންނަ ގޮތުގައި، ބޯޓުގެ ނަމަކަށް ކިޔަނީ "MELEENA FISHING LINE" އެވެ.

އެމް.އެން.ޑީ.އެފް އިން ހާމަކޮށްފައިވާ ގޮތުގައި، މިބޯޓު ކޯސްޓު ގާޑުގެ ބެލުމުގެ ދަށަށް މިހާރު ވަނީ ގެންގޮސްފައެވެ. ބޯޓު ހިފެހެއްޓިއިރު، ބޯޓުގައި 6 މީހުން ތިބިކަމަށް އެމް.އެން.ޑީ.އެފް. އިން މަޢުލޫމާތު ދެއެވެ.

މިކަމާ ގުޅޭ އިތުރު މަޢުލޫމާތު އަދި ހާމަކޮށްފައެއް ނުވެއެވެ.

ދިވެހިރާއްޖޭގެ ޚާއްޞަ އިޤްތިސާދީ ސަރަހައްދަށް ގަވާއިދާ ޚިލާފަށް ވަދެއުޅުނު ބޭރުގެ މަސްބޯޓެއް، އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފި. 6 މީހުން ތިބި މި ބޯޓު ފެނިފައިވަނީ ކ.ދިއްފުށްޓާ ދިމާ އިރުމަތިން ރާއްޖޭގެ ޚާއްޞަ އިޤްތިސާދީ ސަރަހައްދުން. pic.twitter.com/1rKoWwYCms

— Maldives National Defence Force (@MNDF_Official) August 20, 2025