މިއަދުވެސް ޤަވާއިދާ ޚިލާފަށް އުޅޭ 5 ބިދޭސީއަކު އިިމިގްރޭޝަންގެ ބެލުމުގެ ދަށަށް ގެންގޮސްފި!

ރާއްޖޭގައި ޤަވާޢިދާ ޚިލާފަށް އުޅޭ ބިދޭސީން ދެނެގަތުމުގެ މަސައްކަތުގެ ތެރެއިން މިއަދުވެސް 5 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ. 

އިމިގްރޭޝަނުން އެކްސް ގައި ކޮށްފައިވާ ޕޯސްޓެއްގައި ބުނެފައިވަނީ “އިމިގްރޭޝަން ވޮޗް" އަށް ލިބިފައިވާ މަޢުލޫމާތުގެ އަލީގައި އިއްޔެ ވަނީ މާލޭގައި ހުންނަ 3 ތަނެއް ބަލައި ފާސްކޮށް، ޤަވާޢިދާ ޚިލާފަށް އުޅެމުންދިއަ 5 ބިދޭސީން އިމިގްރޭޝަންގެ ބެލުމުގެ ދަށަށް ގެނެސްފައިވާކަމަށެވެ.

މީގެއިތުރުން، އިއްޔެ މާލޭގައި ހިންގުނު އިންސްޕެކްޝަނެއްގައި ޤަވާޢިދާ ޚިލާފަށް އުޅެމުންދިއަ 3 ބިދޭސީން އިމިގްރޭޝަންގެ ބެލުމުގެ ދަށަށް ގެނެސްފައި ވާކަމަށް އިމިގްރޭޝަނުން ބުނެފައިވެއެވެ. 

https://twitter.com/ImmigrationMV/status/1849427376792641699

ބިދޭސީންގެ މައްސަލަ ހައްލުކުރުމަށް ކުރާ މަސައްކަތުގެ ދަށުން ޤަވައިދާ ޚިލާފައް އުޅޭ ބިދޭސީންގެ ތެރެއިން 5000 މީހުން ފޮނުވާލަން މި އަހަރު ވަނީ އަމާޒު ހިފާފައިކަމަށް އިމިގްރޭޝަން ކޮންޓްރޯލަރ ޖެނެރަލް ވިދާޅުވެފައިވެއެވެ.

އަދި އޭގެތެރެއިން މިހާތަނައް ޤަވައިދާ ޚިލާފަށް އުޅޭ 4361 ބިދޭސީއެއް އަނބުރާ ޤައުމަށް ފޮނުވާލާފައިވާކަމަށް ކޮންޓްރޯލަރ ޖެނެރަލް އޮފް އިމިގްރޭޝަން ވިދާޅުވިއެވެ.

ޤަވާޢިދާ ޚިލާފަށް އުޅުމުގެ ސަބަބުން އިމިގްރޭޝަންގެ ބެލުމުގެ ދަށައް ގެންދިޔަ ފަރާތްތަކާއި އަމިއްލައަށް ފުރަން ބޭނުން ވެގެން އެކަމަށް އެދިގެން ފުރުވާލި ފަރާތްތަކުގެ އިތުރުން އިމިގްރޭޝަނުން ނޯޓިސްދިނުމަށްފަހު ފުރުވާލެވުނު ފަރާތްތައް ހިމެނެއެވެ.