ފަރުމަހަށް ގޮސް އުޅުނު ޑިންގީއެއް ބަންޑުން ޖަހާލައިފި!

ތިން މީހުންނާއި އެކު ފަރުމަހަށް ގޮސް އުޅުނު ޑިންގީއެއް ބަންޑުން ޖަހާލައިފައިވާ ކަމުގެ މަޢުލޫމާތު ލިބިފައިވާ ކަމަށް އެމްއެންޑީއެފްއިން ބުނެފިއެވެ.

އެމްއެންޑީއެފުން ބުނެފައިވަނީ މިކަމުގެ މަޢުލޫމާތު މިއަދު ހެނދުނުގެ 6:11 އެހާއިރު އެއިދާރާއަށް ލިބިފައިވާކަމަށެވެ. އަދި އެކަމުގެ މަޢުލޫމާތު ލިބުމާއެކު އެ ޑިންގީ ހޯދަމުން ދަނިކޮށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން 09:32 ހާއިރު ހޯދައިފައިވާ ކަމަށެވެ. 

https://twitter.com/MNDF_Official/status/1849700708398055516

ޑިންގީގައި ތިބި މީހުން ސަލާމަތް ކޮށްފައިވާއިރު މި ހާދިސާއާއި ގުޅޭ އިތުރު ތަފްސީލެއް އެމްއެންޑީއެފުން ހިއްސާކޮށްފައެއް ނުވެއެވެ.