އިޒްރާއިލުން ލުބްނާނަށް ދިން ހަމަލާތަކުގައި ތިން ނޫސްވެރިއަކު ޝަހީދުކޮށްލައިފި!

އިޒްރާއިލުން ލުބްނާނަށް ދިން ހަމަލާތަކުގައި ތިން ނޫސްވެރިއަކު ޝަހީދުކޮށްލައިފިއެވެ. 

މިހަމަލާތަކުގައި ޝަހީދުވެފައިވަނީ އިޒްރާއިލުން ދެމުންދިޔަ ހަމަލާތަކުގެ މަޢުލޫމާތު ނޫސްތަކަށް ފޯރުކޮށްދިނުމަށް މަސައްކަތް ކުރަމުންދިޔަ ތިން ނޫސްވެރިންނެވެ. އަދި އެމީހުން ޝަހީދުވެފައިވަނީ ލުބުނާނުގެ ދެކުނުގެ ހަސްބައިއްޔާ ސަރަހައްދުގައި އެމީހުން ތިބެން ހަމަޖައްސައިފައިވާ އެކޮމޮޑޭޝަނަށް އިޒްރާއިލުން ދިން ހަމަލާއެއްގައެވެ. 

އިޒްރާއިލުން ނޫސްވެރިންގެ އެކަމޮޑޭޝަނަށް ސީދާ އަމާޒުކޮށް ދިން ހަމަލާގައި ޝަހީދުވެފައިވާ ކެމެރާމަން ޣައްސާން ނަޖާރާއި އިންޖިނިއަރު މުހައްމަދު ރެދާ މަސައްކަތް ކޮށްފައިވަނީ  އަލް މަޔާދީން ނަމަކަށް ކިޔާ މީޑިއާއެއްގައެވެ. އެހަމަލާގައި ޝަހީދުވި އަނެއް ނޫސްވެރިޔާ އަކީ ކެމެރާ އޮޕަރޭޓަރެއް ކަމަށްވާ ވިސާމް ޤާސިމް އެވެ. އަދި އޭނާ މަސައްކަތް ކުރީ އަލްމަނާރު ޓީވީގައެވެ.

 ލުބުނާނުގެ އިންފޮމޭޝަން މިނިސްޓަރު ޒިޔާދު މަކާރީ ވަނީ އެހަމަލާއަލީ ހަނގުރާމައިގެ ޖަރީމާއެއް ކަމަށް ވިދާޅުވެފައެވެ. އިޒްރާއީލުގެ މިހަމަލާ ދިނުމުގެ ކުރިން އެއްވެސް އިންޒާރެއް ދީފައެއް ނުވެއެވެ.

 މިދިޔަ ނޮވެމްބަރު މަހު އިސްރާއީލުން ވަނީ އަލް މަޔާދީން ޓީވީގައި މަސައްކަތް ކުރާ ދެ ނޫސްވެރިއަކު ޝަހީދުކޮށްލައިފައިވެއެވެ. އޭގެ މަހެއްހާ ދުވަސް ކުރިން ރޮއިޓާސްގެ ނޫސް އެޖެންސީގެ ވީޑިއޯގްރާފަރު އިސާމް ޢަބްދުالله ޝަހީދުކޮށްލައި އިތުރު ބަޔަކު ޒަހަމްކޮށްލައިފައިވެއެވެ.