ޖަޕާނުގައި ތަޢުލީމު ޙާޞިލުކުރަމުން ދިޔަ ޚާރިޖީ ވުޒާރާގެ މުވައްޒަފަކު ނިޔާވެއްޖެ

މަތީ ތަޢުލީމު ޙާސިލުކުރުމަށް ޖަޕާނުގައި ދިރިއުޅެމުން ދިޔަ ޚާރިޖީ ވުޒާރާގެ މުވައްޒަފަކު އިއްޔެ ނިޔާވެއްޖެއެވެ.

ޖަޕާނުގައި ނިޔާވެފައިވަނީ ބ. ތުޅާދުއަށް އުފަން ލުޖައިނާ ތަސްނީމާ އެވެ. އޭނާ ނިޔާވުމާ ގުޅިގެން ޚާރިޖީ ވުޒާރާއިން އިޖްތިމާޢީ ވިޔުގަތަކުގައި ޙިއްޞާކުރި ޕޯސްޓެއްގައި ބުނެފައިވަނީ، އޭނާ ޖަޕާނުގައި ކިޔަވަމުންދިޔައީ މާސްޓަރސް އޮފް އާޓްސް އިން އިންޓަރނޭޝަނަލް ރިލޭޝަންސް ކަމަށެވެ. 

ސްކޯލަރޝިޕެއްގެ ދަށުން ކިޔަވަމުން ދިޔަ ލުޖައިނާ އަކީ މަސައްކަތަށް ފަރުވާތެރި، އޯގާވެރި، އަދި ހިތްހެޔޮ މުވައްޒަފެއްކަން ޚާރިޖީ ވުޒާރާއިން ކުރި ޕޯސްޓުގައި ފާހަގަކޮށްފައިވެއެވެ. ލުޖައިނާ އެވުޒާރާއާ ގުޅިފައިވަނީ 2021 ވަނަ އަހަރުގެ ޑިސެމްބަރު މަހުގައެވެ.

މަޢުލޫމާތު ލިބިފައިވާ ގޮތުގައި، ލުޖައިނާގެ ހަށިގަނޑު މާލެ ގެނައުމުގެ މަސައްކަތް ޢާއިލާއިން ދަނީ ކުރަމުންނެވެ.

pic.twitter.com/oDxnU18WOn

— Ministry of Foreign Affairs 🇲🇻 (@MoFAmv) August 22, 2025