ޤައުމީ ދުވަހު މާލޭ، ހުޅުމާލޭ ވިޔަފާރި ބަނދަރު ބަންދުކުރަނީ

މިއަހަރުގެ ޤައުމީ ދުވަހުގެ މުނާސަބަތާ ގުޅިގެން، މާލޭ ވިޔަފާރި ބަނދަރާއި، ހުޅުމާލޭ ގމަތައިން ދެމުން އަންނަ ޚިދުމަތް ވަޤުތީ ގޮތުން މެދުކަނޑާލުމަށް ނިންމާފައިވާކަމަށް މޯލްޑީވްސް ޕޯރޓްސް ލިމިޓެޑް (އެމް.ޕީ.އެލް.) އިން ހާމަކޮށްފިއެވެ.

އެމް.ޕީ.އެލް. އިން ބުނެފައިވަނީ، މިއަހަރުގެ ރަބީޢުލްއައްވަލް މަހުގެ 1 ވާ އާދީއްތަ ދުވަހު (މާދަމާ) އެކުންފުނިން ބަލަހައްޓަމުން އަންނަ މާލޭ ވިޔަފާރި ބަނދަރާއި، ހުޅުމާލޭ ގިމަތައިން ދެމުން އަންނަ ޚިދުމަތް ވަޤުތީ ގޮތުން މެދުކަނޑާލާނޭ ކަމުގައެވެ. މިޚިދުމަތްތައް އަލުން ފެށިގެން ދާނީ، ރަބީޢުލްއައްވަލު 2 (25 އޮގަސްޓު) ވާ ހޯމަ ދުވަހުގެ ހެނދުނު 7:30 ގައެވެ. މިކަން ހާމަކޮށް އެމް.ޕީ.އެލް އިން ކުރި ޕޯސްޓުގައި، ޤައުމީ ދުވަހުގެ ހެޔޮ އެދުމާއި ތަހުނިޔާ އެންމެހައި ފަރާތްތަކަށް ވަނީ އަރިސްކޮށްފައެވެ.

📢 ދެންނެވުން 📢
ޤައުމީ ދުވަހު މާލެ ވިޔަފާރި ބަނދަރާއި ހުޅުމާލެ ޓާރމިނަލް އިން ދެމުން އަންނަ ޚިދުމަތްތައް ވަގުތީ ގޮތުން މެދުކަނޑަލާލުމާ ގުޅޭ pic.twitter.com/zcuZTrzRBO

— Maldives Ports Limited (@Portmv) August 21, 2025