އައި.ޓީ.އެފް. ޓެނިސް މުބާރާތެއްގައި ރަން މެޑަލް ހޯދި ފުރަތަމަ ދިވެހި ކުޅުންތެރިއަކަށް އާރާ

ޢުމުރުން 17 އަހަރުގެ ދިވެހި ޓެނިސް ކުޅުންތެރިޔާ އާރާ އާސަލް އާޒިމް، "އައި.ޓީ.އެފް. މޯލްޑިވްސް ޖޫނިޔަރ އޯޕެން" މުބާރާތުގެ ޑަބަލްސް އިން ރަން މެޑަލް ޙާޞިލްކޮށްފިއެވެ. އޭނާގެ ޑަބަލްސް ޕާޓްނަރަކީ ޓަރީޓާ ހޮންގޝޮކް އެވެ. މިއީ އިންޓަރނޭޝަނަލް ޓެނިސް ފެޑެރޭޝަން (އައި.ޓީ.އެފް.) ގެ މުބާރާތެއްގައި ދިވެހި ކުޅުންތެރިއަކު ރަން މެޑަލް ހޯދި ފުރަތަމަ ފަހަރު ކަމަށް ކުޅިވަރާއި ހަށިހެޔޮކަމާ ބެހޭ ވުޒާރާ އިން ހާމަކޮށްފައިވެއެވެ.

Aaraa Aasal Azim makes HISTORY!

17-year-old tennis star becomes the first Maldivian tennis player to win a gold medal at an ITF tournament. Aaraa and her partner Tarita Hongsyok beat Seunghyun Cho and Yishan Xu in a one-sided affair to win gold at the girls' doubles event of the… pic.twitter.com/hIswVLLOlJ

— Ministry of Sports, Fitness and Recreation (@MoSFR_mv) August 23, 2025

"އައި.ޓީ.އެފް" މޯލްޑިވްސް ޖޫނިޔަރ އޯޕެން" މުބާރާތަކީ އައި.ޓީ.އެފް. ގެ ޖޭ-30 ލެވެލް މުބާރާތެކެވެ. 

އިއްޔެ ކުޅުނު ސެމީ ފައިނަލްގައި އާރާ އާއި ޓަރީޓާ ކުރިމަތިލައިފާ ވަނީ ފަރަންސޭސި-ރަޝިޔާ ޖޯޑަކާއެވެ. އެއީ، އެވާ-ވްލާޑާ އަނީސިނާ ދްޒިގުރްދާ އާއި އެލިޒަބެތާ ޕްރިވަލޮވާ އެވެ. މިމެޗުން އާރާ މެން ކާމިޔާބު ހޯދާފައިވަނީ 6-1 އާއި 7-5 ގެ ޕޮއިންޓް އަކުންނެވެ. އެއަށް ފަހު، ފައިނަލް މެޗުގައި ވާދަކޮށްފައިވަނީ އާރާ މެން ޖޯޑާއި، ކޮރެޔާ-ޗައިނާ ޖޯޑެކެވެ. އެއީ، ސެންހްގޔުން ޗޯ އަދި ޔިޝަން ޒޫ އެވެ. މިމެޗުން އާރާ އާއި ޓަރީޓާ ކާމިޔާބު ހޯދާފައިވަނީ 6-2 އަދި 6-1 ގެ ޕޮއިންޓް ހޯދައިގެންނެވެ.

މިމުބާރާތުން އާރާ އާއި ޓަރީޓާގެ ޖޯޑުން ރަން މެޑަލް ޙާޞިލުކޮށްފައިވާ އިރު، މިއީ މިދިޔަ 9 މަސް ދުވަހުގެ މުއްދަތެއްގައި އާރާ ހޯދި 3 ވަނަ ރަން މެޑަލް ކަން ފާހަގަކޮށްލެވެއެވެ.