ދުނިޔެ

އިޒްރާއިލުން ޚާން ޔޫނިސްގައި 38 މީހަކު ޝަހީދުކޮށްލައިފި!

އިޒްރާއިލުން ޚާން ޔޫނިސްގައި 38 މީހަކު ޝަހީދުކޮށްލައިފި!

ޚާން ޔޫނިސް އަށް ދިން ހަމަލާތަކުގައި ޝަހީދުވި ބައެއް. ފޮޓޯ: ޤުދުސް ނެޓްވޯކް

ޙަސްނާ އަޙްމަދް

ޙަސްނާ އަޙްމަދް

25 އޮކްޓޯބަރު 2024، 09:37

25 އޮކްޓޯބަރު 2024، 09:37

އިޒްރާއިލުން ޚާން ޔޫނިސް އަށް ހަމަލާތަކެއް ދީ އެއް އާއިލާއަކަށް ނިސްބަތްވާ 38 މީހަކު ޝަހީދުކޮށްލައިފިއެވެ. 

އަލްޖަޒީރާގައި ރިޕޯޓުކޮށްފައިވާ ގޮތުގައި މިހަމަލާތަކުގައި ޝަހީދުވި މީހުންގެ ތެރޭގައި 16 ކުޑަކުއްޖަކުވެސް ހިމެނެއެވެ. 38 މީހުން ޝަހީދުވި މިހަމަލާދިންތާ މާގިނައިރުތަކެއް ނުވެ ޝާޠީ ރެފިޔުޖީ ކޭމްޕަށް ހަމަލާދީ 20 މީހަކު ޝަހީދުކޮށްލައި ގިނަ ޢަދަދެއްގެ ބަޔަކު ވަނީ ޒަޚަމް ކޮށްލައިފައެވެ. 

މީގެއިތުރުން ޣައްޒާގެ އުތުރުގެ ޖަބަލިއްޔާ ރެފިއުޖީ ކޭމްޕްގައި އޒްރާއީލުގެ އަސްކަރިއްޔާއިން ހިންގަމުންދާ "ބޮޑު ޤަތުލުއާންމު” ގައި ދިން ވަރުގަދަ ހަމަލާއެއްގައި މީހުން ދިރިއުޅޭ ދިހަވަރަކަށް އިމާރާތް ގޮއްވާލައި ފައިވުމުން އެސަރަހައްދުން ގިނަ ބަޔަކު ޝަހީދުވެފައިވާނެ ކަމަށް ޣައްޒާގެ ސިވިލް ޑިފެންސް އިން ވަނީ ބުނެފައެވެ. 

ޣައްޒާގެ އެތަންމިތަނަށް ހަމަލާތައް ދެމުންދާއިރު އިޒްރާއީލު ސިފައިން ވަނީ ހިފާފައިވާ ގުދުސްގެ އިރުމަތީގައި އޮންނަ އަނަތާގައި ބޮޑު މިލިޓަރީ ހަރަކާތެއް ފަށައި މީހުން ހައްޔަރުކުރުމުގެ ކެމްޕޭނެއް ފަށާފައެވެ. 

އެ ކެމްޕޭނުގެ ދަށުން އެސަރަހައްދުގެ 65 މީހަކު ވަނީ ހައްޔަރުކޮށްފަ އެވެ. 

ވަފާ ނޫސް އެޖެންސީއާ ހަވާލާދީ ލޯކަލް މަސްދަރުތަކުން ރިޕޯޓްކޮށްފައިވާ ގޮތުގައި އިޒްރާއީލުގެ ސިފައިން އެތައް ގެއަކަށް ވަދެ، އެގޭގެ މުދަލަށް ގެއްލުން ދީފައިވެ އެވެ. އެ ނޫހުގައި ރިޕޯޓްކޮށްފައިވާ ގޮތުގައި އިޒްރާއީލުގެ ސިފައިން ވަނީ އެ ސަރަހައްދުގެ ގެއެއް ވަގުތީ އަސްކަރީ އައުޓްޕޯސްޓެއްގެ ގޮތުގައި ބޭނުންކޮށްގެން ހައްޔަރުކުރި މީހުން އެގެއަށް ގެންގޮސް ސުވާލުކޮށްފައި ކަމަށް ވަފާ ނޫހުގައި ބުނެފައިވެއެވެ. 

7 އޮކްޓޯބަރު 2023 ގައި އިޒްރާއިލްން ޣައްޒާއަށް ދޭން ފެށި ހަމަލާތަކުގައި މިހާތަނަށް ޣައްޒާގެ 42،847 މީހަކު ޝަހީދުވެ 100،544 މީހަކު ވަނީ ޒަޚަމްވެފައެވެ. 

 

މި ލިޔުން ކިޔާލުމުން

Ads by MSS