ޚަބަރު
ސިފައިންގެ ޝަރަފުގެ ހިނގާލުން މާދަމާ ހަވީރު މާލޭގައި

މިއަހަރުގެ ޖުލައި 26 ހިނގާލުމުގެ ތެރެއިން. ފޮޓޯ: އެމް.އެން.ޑީ.އެފް.

ފަރުދުން
23 އޯގަސްޓު 2025، 01:13
23 އޯގަސްޓު 2025، 01:13
މިއަހަރުގެ ޤައުމީ ދުވަހުގެ މުނާސަބަތާ ގުޅިގެން ޤައުމީ ދިފާޢީ ބާރު (އެމް.އެން.ޑީ.އެފް.) އިން ބާއްވާ ޝަރަފުގެ ހިނގާލުން މާދަމާ ހަވީރު މާލޭގައި އޮންނާނެއެވެ. އެމް.އެން.ޑީ.އެފް. އިން ހާމަކޮށްފައިވާ ގޮތުގައި، މި ހިނގާލުން ފެށުމަށް ހަމަޖެހިފައިވަނީ މާދަމާ ހަވީރު 4:30 ގައި ބަންޑާރަކޮށިންނެވެ.
މި ހިނގާލުމުގައި، ޖުމްލަ 4 ތަނެއްގައި ލަޝްކަރު މަޑުކޮށްލުމަށް ވަނީ ހަމަޖެހިފައެވެ. މިއިން ކޮންމެ ތަނެއްގައިމެ މިލިޓަރީ ބޭންޑުން ރާގު ކުޅޭނެކަމަށް އެމް.އެން.ޑީ.އެފް. އިން މަޢުލޫމާތުދީފައި ވެއެވެ.
ޤައުމީ ދުވަހުގެ ހިނގާލުން ހުއްޓަން ހަމަޖެހިފައިވާ ސަރަޙައްދުތައް:
- ސޯސަންމަގު، ދިވެހިބަހުގެ އެކެޑަމީ ކުރިމަތި
- މަޖީދީމަގު/ޗާންދަނީމަގު ހަތަރު އަނގޮޅި
- މަޖީދީމަގު، މިލިޔަން ބުކްޝޮޕް ކުރިމަތި
- ބޮޑުތަކުރުފާނުމަގު، ކަޅުތުއްކަލާ ކޮށި ހުޅަނގު އުތުރު ކަންމަތި
އަދި ހިނގާލުން ނިންމާލުމަށް ހަމަޖެހިފައިވަނީ ކަޅުތުއްކަލާކޮށްޓަށް ކަމުގައިި އެމް.އެން.ޑީ.އެފް. އިން ހާމަކުރެއެވެ.
— Maldives National Defence Force (@MNDF_Official) August 23, 2025
ކޮންމެ އަހަރެއްގެވެސް ރަބީޢުލްޢައްވަލްމަހުގެ 1 ވަނަ ދުވަސް ފާހަގަކުރަމުން އަންނަނީ ދިވެހިރާއްޖޭގެ ޤައުމީ ދުވަހުގެ ގޮތުގައެވެ. މި ދުވަސް ޤައުމީ ދުވަހުގެ ގޮތުގައި ފާހަގަކުރަނީ، 15 އަހަރާއި 6 މަސް ދުވަހަށްފަހު، ފުށެތިކާލުން (ޕޯޗުގީޒުން) ގެ އަޅުވެތިކަމުން ދިވެހިރާއްޖެ ސަލާމަތްވުމުންނާއި، އައްސުލްޠާނުލްޣާޒީ މުޙައްމަދު ތަކުރުފާނުލްއަޢުޡަމް ސިރީސަވާދީއްތަ މަހާރަދުން ނުވަތަ އުތީމު ބަންޑާރައިންނާއި އެ ޖިހާދުގައި ބައިވެރިވެވަޑައިގެންނެވި ދިވެހި ބަޠަލުންގެ ޛިކުރާ އައު ކުރުމުގެ މަޤުޞަދުގައެވެ.