ގުޅީފަޅު ކައިރީ 2 ލޯންޗެއް ޖެހި ނުރައްކާތެރި އެކްސިންޑެންޓެއް ހިނގައިފި

ގުޅީފަޅު ކައިރީ 2 ލޯންޗެއް ޖެހި ނުރައްކާތެރި އެކްސިންޑެންޓެއް ހިނގައި ބޮޑެތި ގެއްލުންތަކެއް ވެއްޖެއެވެ. ފުލުހުން މީޑިއާތަކަށް ފޮނުވި މެސެޖެއްގައި ވިދާޅުވެފައިވަނީ މި އެކްސިޑެންޓެއް ހިނގައިގެން އުޅޭ ކަމުގެ ރިޕޯޓް ލިބިފައިވަނީ މިރޭ 19:34 އެހާކަންހާއިރުއެވެ.

މި ނުރައްކާތެރި އެކްސިޑެންޓްގައި 12 މީހަކަށް އަނިޔާވެ އެ މީހުން އައިޖީއެމް ހޮސްޕިޓަލަށް ގެންގޮސް ދަނީ ފަރުވާ ދެމުންނެވެ. އަދި އެއްވެސް މީހެއްގެ ޙާލު ސީރިއަސް ނޫންކަމަށް ހޮސްޕިޓަލުން މަޢުލޫމާތުދެއެވެ.
މި ހާދިސާ ހިނގި ސަރަޙައްދުގައި ފުލުހުން ހަރަކާތްތެރިވަމުންދާކަމަށް ފުލުހުން މީޑިއާތަކަށް ފޮނުވި މެސެޖްގައި ވިދާޅުވެފައިވެއެވެ. 

ސޯޝަލް މީޑިއާގައި ދައުރުވަމުންދާ ފޮޓޯތަކުން ފެންނަ ގޮތުގައި ދެ ލޯންޗަށްވެސް ބޮޑެތި ގެއްލުންތަކެއް ވެފައިވާކަން ފާހަގަކޮށްލެވެއެވެ.