މެލޭޝިއާގެ މިނިވަން ދުވަހުގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި

މެލޭޝިއާގެ މިނިވަން ދުވަހުގެ ތަހުނިޔާ އެ ޤައުމުގެ އިސްވެރިންނަށާއި ރައްޔިތުންނަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފޮނުއްވައިފިއެވެ.

މެލޭޝިއާގެ މި މުނާސަބާއާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ، މިނިވަން ދުވަހުގެ ތަހުނިޔާ އެ ޤައުމުގެ ރަސްގެފާނު އިބްރާހީމް އިސްކަންދަރަށާއި، ބޮޑުވަޒީރު އަންވަރު އިބްރާހީމަށާއި، މެލޭޝިއާގެ ސަރުކާރާއި ރައްޔިތުންނަށް ފޮނުވާކަމަށެވެ.

އެ މަނިކުފާނު އިތުރަށް ވިދާޅުވީ، މެލޭޝިއާއަކީ އަބަދުވެސް ދިވެހިރާއްޖެއާ ގާތްގުޅުމެއް ބާއްވާ ޤައުމެއްކަމުން، ދެ ޤައުމުގެ ދެމެދުގައިވާ ޒަމާންވީ މި ގާތްގުޅުން މިގޮތުގައި ދަމަހައްޓާނެކަމަށް އުއްމީދުކުރައްވާކަމަށެވެ. 

I wish to convey warmest greetings and best wishes on the occasion of the Independence Day of Malaysia to His Majesty King Sultan Ibrahim, His Excellency Prime Minister Anwar Ibrahim @anwaribrahim, the Government and the brotherly people of Malaysia.

Malaysia remains a valued… pic.twitter.com/Tp3pVkSjTx

— Dr Mohamed Muizzu (@MMuizzu) August 30, 2025

މެލޭޝިއާގެ މިނިވަން ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެވެސް އޮގަސްޓްމަހުގެ 31 ވަނަ ދުވަހެވެ. އެގޮތުން މި އަހަރު ފާހަގަކުރަމުން ދަނީ އެ ޤައުމުގެ 68 ވަނަ މިނިވަން ދުވަހެވެ.

ދިވެހިރާއްޖެއިން މެލޭޝިއާއާއެކު ރަސްމީކޮށް ޚާރިޖީ ގުޅުން ޤާއިމުކުރީ 1968 ވަނަ އަހަރުގައެވެ.